Pune Traffic Jam: चार चाकी गाडीचा अपघात झाल्याने सिंहगड रस्त्यावर मोठ्या प्रमाणात वाहतूक कोंडी

पुणे : सिंहगड रस्ता माणिक बाग येथे अचानक एका चार चाकी गाडीचा अपघात झाल्याने रस्त्याला दुपारी अडीच वाजता मोठ्या प्रमाणात वाहतूक कोंडी झाली होती. सिंहगड वाहतूक पोलीस विभागाचे सहायक पोलीस निरीक्षक राजकुमार बर्डे यांनी दिलेल्या माहितीनुसार धायरी कडून माणिकबागकडे जाणाऱ्या दिशेला वीर बाजी पासलकर उड्डाण पुलाच्यापुढे फन टाईम थिएटर जवळ चालकाचे गाडीवरील नियंत्रण सुटल्याने गाडी समोर असलेल्या खड्ड्यात जाऊन आदळली.

धायरीकडून माणिक बागेच्या दिशेने ही गाडी निघाली होती. वडगाव पुलाच्या सिग्नल जवळ सिग्नल सुटल्यानंतर ही गाडी भरधाव वेगाने माणिक बागेच्या दिशेने निघाली होती.

परंतु नियंत्रण सुटल्याने गाडीचा अपघात झाला. सुदैवाने चालकाला मोठी इजा झाली नाही तसेच केवळ चालकच गाडीत होता इतर कोणी गाडीत नव्हते. (Pune Marathi News)

उड्डाणपुलासाठी खड्डे खोदले होते.  तेथे पुलाच्या खांबांचे काम सुरू आहे. अशा खड्ड्यात ती गाडी जाऊन पडल्याने गाडीचे मोठ्या प्रमाणात नुकसान झाले परिणामी मोठ्या प्रमाणात वाहतूक कोंडी झाली.  

त्यात ती गाडी पडल्याने रस्त्याला वाहतूक कोंडी झाली. त्यामुळे,  धायरीकडून माणिकबाग कडे जाणाऱ्या दिशेला मोठ्या प्रमाणात वाहतूक कोंडी होती.