पुणे-सातारा महामार्गाने फिरायला जाताय? मग ही बातमी हमखास वाचाच...

खेड-शिवापूर  : वीकएंडची संधी साधुन थर्टी फर्स्टसाठ साजरा करण्यासाठी नागरीक आज मोठ्या संख्येने बाहेर पडले आहेत. त्यामुळे आज सकाळपासून पुणे-सातारा रस्त्यावर वाहनांची मोठ्या प्रमाणात गर्दी आहे. त्यामुळे खेड-शिवापूर टोल नाक्यावर वाहनांच्या सुमारे तीन किलोमीटर रांगा लागल्या असून प्रवाशांना या वाहतूक कोंडीचा मनस्ताप सहन करावा लागत आहे.

महिन्याच्या चौथ्या शनिवारची सुट्टी साधुन नागरीक आज थर्टी फर्स्ट साजरा करण्यासाठी मोठ्या संख्येने बाहेर पडले आहेत. त्यामुळे शनिवारी सकाळपासून पुणे-सातारा रस्त्यावर साताऱ्याच्या दिशेने जाणाऱ्या वाहनांची मोठी गर्दी आहे.

ताज्या बातम्यांसाठी डाऊनलोड करा ई-सकाळचे ऍप

दरम्यान, त्यामुळेच या रस्त्यावरील खेड-शिवापूर टोल नाक्यावर वाहतूक कोंडी झाली आहे. टोल नाक्यावर सुमारे तीन किलोमीटर वाहनांच्या रांगा लागल्या आहेत. टोल नाका ते कोंढणपूर फाट्यापर्यन्त वाहनांच्या लांब रांगा लागल्या आहेत. 

दोन लाखांची कर्जमाफी म्हणणाऱ्या सरकारनेही शेतकऱ्यांवर घातली 'ही' बंधने

प्रवाशांना या वाहतूक कोंडीतून बाहेर पडण्यासाठी सुमारे अर्धा तास वेळ लागत आहे. गर्दीच्या वेळी टोल नाक्यावर होणारी वाहतूक कोंडी हाताळण्यासाठी टोल प्रशासनाचे योग्य नियोजन नसल्याचे दिसून येत आहे. त्यामुळे प्रवाशांना या वाहतूक कोंडीचा मोठा मनस्ताप सहन करावा लागत आहे.

ताज्या बातम्यांसाठी डाऊनलोड करा ई-सकाळचे ऍप