पौड : चांदणी चौकातून कोकणाकडे जाणाऱ्या महामार्गावर सांडपाणी वाहून जाण्याची व्यवस्था न केल्याने पावसाचे पाणी रस्त्यावर येत आहे. त्यामुळे या महामार्गाला ठिकठिकाणी नदीचे स्वरूप येते. वाहनांमुळे रस्त्यावर उडणाऱ्या पाण्याच्या फवाऱ्याने अपघाताचा धोका होण्याची शक्यता आहे. महाराष्ट्र रस्ते विकास महामंडळाचे दुर्लक्ष, तसेच ठेकेदाराच्या मनमानी आणि हलगर्जीपणाचा परिणाम गेल्या सहा वर्षांपासून मुळशीकरांना भोगावा लागत आहे.