कोरेगाव भीमा - कोरेगाव भीमानजीक पेरणेफाटा (ता. हवेली) येथे २०७ व्या शौर्यदिनानिमित्त ऐतिहासिक विजयस्तंभास अभिवादन करण्यासाठी आंबेडकरी अनुयायांचा जनसागर लोटला होता. हाती निळ्या ध्वजांसह ‘जय भीम’च्या घोषणा देत लोटलेल्या लाखो अनुयायांच्या गर्दीने पुणे-अहिल्यानगर रस्ता अक्षरश: फुलून गेला होता. दरम्यान, आज दिवसभर विजयस्तंभास मानवंदना देण्यासाठी भीम अनुयायांसह अनेक मान्यवरांनीही मोठी गर्दी केली होती.