Hit And Run Law : चालक कामगार संघटनेचे वाघोलीत पुन्हा निषेध आंदोलन; आंदोलनात सहभागी न झालेल्या चालकांना चपलेचा हार

Wagholi News : हिट अ‍ॅन्ड रन कायदा रद्द करावा या मागणीसाठी पूर्व हवेली चालक कामगार संघटनेने आज पुन्हा वाघोलीत निषेध आंदोलन केले. विशेष म्हणजे या आंदोलनात सहभागी न होता वाहन चालविणाऱ्या चालकांना चक्क चपलेचा हार इतर चालकांनी घातला.

केंद्र सरकारने केलेला जुलमी  कायदा रद्द नाहीं केला तर तीव्र आंदोलन करण्याचा इशारा संघटनेने दिला. वाघोली, लोणीकंद, भावडी, फुलगांव व परिसरातील चालक सहभागी झाले होते.  या कायद्याच्या विरोधात निषेध घोषणा देण्यात आल्या.

आपल्यालाच चपलेचा हार घालण्याची वेळ येवू नये यासाठी वाहन चालविणाऱ्या चालकांनीही आंदोलनाचा धसका घेतला. काही दिवसापूर्वी वाघोली बाजार मैदानात आंदोलन करण्यात आले होते. त्यानंतर आज पुन्हा करण्यात आले.