पुणे : सार्वजनिक आरोग्य विभागाने येरवडा प्रादेशिक मनोरुग्णालयाला संरक्षक सीमाभिंत बांधण्यासाठी दोन टप्प्यांत २३.७९ कोटी रुपयांचा निधी दिला होता. मात्र ही संरक्षक भिंत पूर्णपणे न बांधताच या निधीत अपहार झाल्याच्या तक्रारीवरून आरोग्य विभागाने या प्रकरणात चौकशी समिती स्थापन करण्याचे आदेश दिले आहेत. हा प्रकार २०१५-२०१७ दरम्यानच्या काळात घडला असून, संरक्षक भिंत बांधण्यासाठी मंजूर सुमारे २३.७९ कोटी रुपयांच्या निधीत अनियमितता झाल्याचे समोर आले आहे.