पुण्यात आतापर्यंत किती लोक झाले कोरोनामुक्त; काय सांगतात आकडे वाचा

पुणे - पुण्यात शनिवारी (ता. ६) पावणेतीनशे रुग्णांची भर पडली; तर २५९ रुग्ण कोरोनामुक्त झाल्याने या आजारापासून बरे झालेल्यांचा आकडा पाच हजारांच्या घरात पोचला आहे. तर, सध्या २ हजार ४१३ रुग्णांवर उपचार सुरू आहेत. दुसरीकडे, नव्याने सहा जणांचा मृत्यू झाल्याने बळींची संख्या ३५७ झाली आहे.  

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

विविध रुग्णालयांतील १९५ रुग्णांची प्रकृती गंभीर असून, त्यातील ४९ रुग्ण व्हेंटिलेटरवर आहेत. मृतांमध्ये ४५ ते ५० पेक्षा अधिक वयोगटातील रुग्णांचा समावेश आहे. त्यांना अन्यही आजार आहेत. दिवसभरात १ हजार ६४९ जणांची तपासणी झाली आहे. मृतांत दोन महिला आणि चार पुरुषांचा समावेश आहे. 

दारुड्यांच्या हल्ल्यात कोथरूडच्या माजी आमदार जखमी; वाचा काय घडले!

शहरात आतापर्यंत ५८ हजार ४५५ नागरिकांच्या घशातील द्रव पदार्थांच्या नमुन्यांची तपासणी करण्यात आली आहे. त्यातील ७ हजार ७२२ रुग्णांना कोरोना झाला असून, ३५७ रुग्णांचा मृत्यू झाला आहे.  सध्या २ हजार ४१३ रुग्णांवर उपचार सुरू आहे.

पुण्यात दिवसभरात

• कोरोनामुक्त २५९
• संसर्ग २७५
• मृत्यू ६
• एकूण रुग्ण ७,७२२
• एकूण मृत्यू ३५७