हेच ऐकायचं बाकी होतं! बायकोची हौस पुरवायला नवरा झाला साडी चोर

पुणे : लग्नानंतर नवरा बायकोच्या ताटाखालचे मांजर होते असे म्हणतात हे आपण ऐकिवात आहोत. असे एक ना अनेक किस्से तुम्ही ऐकले असतील पण, कधी बायोकोची हौस पुरविण्यासाठी नवरा चोऱ्या करतोय हे ऐकले  आहे का? विश्वास बसत नसला तर ही सत्य घटना आहे. पुण्यात बायकोला खूश करण्यासाठी साड्या, ड्रेसची चोरी करणाऱ्याला चोराला पोलिसांनी अटक केली आहे.

रोहन बिरु सोनटक्के (वय 21. रा. वारजे माळवाडी) असे अटक केलेल्या चोरट्यांचे नाव आहे.  नुकतेच नवीन लग्न झालेल्या या चोरट्याने बायकोला खूश करण्यासाठी अजब शक्कल लढवली. रस्त्याला उभ्या असलेल्या साड्या, ड्रेस विक्री करणाऱ्या वाहणातून चोरी करत असे आणि बायकोला साड्या, ड्रेस देत असे. इतकेच नव्हे तर हा चोरटा दुचाकी, किराणा , मोबाईल लॅपटॉप देखील  चोरायचा. दरम्यान, पोलिसांना हडपसर परिसरात गस्त घालत असताना सराईत गुन्हेगार रोहन अॅमनोरा मॉलच्या मागे मोबाइल विक्रीसाठी येणार असल्याची माहिती मिळाली. त्यानुसार पोलिसांनी सापळा रचत रोहनला ताब्यात घेतले. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

गुन्हे शाखेच्या पोलिसांनी ही कारवाई केली. रोहनकडून तब्बल 13 लाख 40 हजार रुपयांचा ऐवज जप्त करण्यात आला आहे.  त्याच्याकडे केलेल्या चौकशीत नऊ गुन्हे केल्याची कबुली दिल्याने हडपसर, वानवडी, कोंढवा, मार्केट यार्ड, विश्रांतवाडी, पिंपरी आयुक्तालयातील चिखली आणि उस्मानाबाद जिल्ह्यातील मुरूम पोलिस ठाण्यात घरफोडी आणि वाहनचोरीचे नऊ गुन्हे उघडकीस आणण्यात यश आले आहे.
 

जाणून घ्या केसरचे फायदे; हाडांची मजबूती, कँसरशी लढा आणि उत्तम सेक्स लाईफ देतो केसर