Pune Crime : पत्नीचा खून करून मृतदेहाची विल्हेवाट लावण्यासाठी जाणाऱ्या पतीला अटक

पुणे - कौटुंबिक वादातून पत्नीचा खून करून मृतदेहाची विल्हेवाट लावण्यासाठी दुचाकीवरून जाणाऱ्या पतीला गस्तीवरील पोलिसांनी अटक केली. सोमवारी मध्यरात्री दीड वाजण्याच्या सुमारास नऱ्हे येथे पोलिसांनी ही कारवाई केली..बबिता निशाद असे खुन झालेल्या महिलेचे नाव आहे. राकेशकुमार रामनाईक निशाद (वय-२८, रा. धायरी, मुळ रा. फत्तेपूर बसखारी, उत्तर प्रदेश) असे पोलिसांनी अटक केलेल्याचे नाव आहे. याप्रकरणी पोलिस कर्मचारी ज्ञानेश्वर आखाडे यांनी फिर्याद दिली आहे.पोलिसांनी दिलेल्या माहितीनुसार, पोलिस कर्मचारी ज्ञानेश्वर आखाडे व पोलिस कर्मचारी निल सुरज लोंढे हे दोघेही सिंहगड रोड पोलिस ठाण्यात कार्यरत आहेत. दोघेही सोमवारी रात्रपाळी असल्याने गस्तीवर होते. रात्रीच्यावेळी गर्दीची ठिकाणे व निर्जन स्थळांना भेटी देत ते पाहणी करत होते..मध्यरात्री दीड वाजण्याच्या सुमारास त्यांना दुचाकीवरुन एक व्यक्ती पोत्यामध्ये काही तरी भरून नऱ्हे येथील भुमकर चौकाकडून स्वामी नारायण चौकाकडे जाताना दिसला. पोलिसांना त्याच्यावर संशय आल्याने त्यांनी त्याचा पाठलाग केला. पोलिस मागे लागल्याचे त्याच्या लक्षात आल्यानंतर दुचाकीस्वाराने स्वामी नारायण मंदिराजवळच दुचाकी सोडून पळ काढला.पोलिसांनी त्याचा पाठलाग करून त्यास पकडले. त्याची चौकशी केली. पोत्यात काय आहे ? भरलेले पोते कोठे घेऊन चालला होता ? अशी प्रश्नांची सरबत्ती केल्यांनतर त्याने सुरवातीला उडवाउडवीची उत्तरे दिले. पोलिसांनी पोत्याची पाहणी केली, तेव्हा त्यांना पोत्यातून पाय बाहेर आल्याचे निदर्शनास आले..त्यास पोलिसी खाक्या दाखविताच त्याने आपली पत्नी बबिता हिचा खून करून तो बोगद्याजवळील डोंगरात टाकण्यासाठी जात असल्याचे पोलिसांना सांगितले. हा खूनाचा गंभीर प्रकार असल्याचे लक्षात येताच पोलिस कर्मचारी आखाडे व लोंढे यांनी सिंहगड पोलिस ठाण्यातील पोलिस अधिकाऱ्यांना त्याबाबत माहिती दिली..पोलिस अधिकारी घटनास्थळी दाखल झाल्यानंतर महिलेचा मृतदेह ससून रुग्णालयात पाठवून देण्यात आला. दरम्यान, संबंधित खूनाचा गुन्हा धायरी येथे घडल्याने याप्रकरणी नांदेड सिटी पोलिस ठाण्यात गुन्हा दाखल करण्यात आला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.