पुणे - कौटुंबिक वादातून पतीने त्याच्या पत्नीस दांडक्याने बेदम मारहाण करून खुनाचा प्रयत्न केल्याची घटना केसनंद परिसरात घडली. या प्रकरणी पोलिसांनी पतीला अटक केली आहे..सुशीला बिराप्पा खांडेकर (वय-४५, रा. लाडबा वस्ती, केसनंद, ता. हवेली) असे गंभीर जखमी झालेल्या महिलेचे नाव आहे. तर, बिराप्पा शंकर खांडेकर (वय-५०) असे आरोपी पतीचे नाव आहे. याबाबत मुलगा समर्थ बिराप्पा खांडेकर (वय-२२) यांनी वाघोली पोलिस ठाण्यात फिर्याद दिली आहे..पोलिसांनी दिलेल्या माहितीनुसार, खांडेकर दांपत्य मजुरीचे काम करतात. किरकोळ कारणावरून वारंवार दोघांमध्ये वाद होत असत. सोमवारी (ता. ६) दुपारी साडेबाराच्या सुमारास त्यांच्यात पुन्हा वाद झाला. रागाच्या भरात बिराप्पाने दांडक्याने पत्नी सुशीलास जबर मारहाण केली. या हल्ल्यात सुशीलाच्या डोक्याला आणि नाकाला गंभीर दुखापत झाली..सुशीला यांना तातडीने खासगी रुग्णालयात दाखल करण्यात आले. वैद्यकीय तपासणीत त्यांच्या डोक्याला जबर मार लागल्याचे निष्पन्न झाले आहे. या प्रकरणी पोलिसांनी गुन्हा दाखल करून आरोपी पतीला अटक केली. त्याच्यावर खुनाचा प्रयत्न आणि कौटुंबिक हिंसाचार प्रतिबंधक कायद्यान्वये गुन्हा नोंदविण्यात आला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
