पुणे - पत्नीला सांभाळणे पतीची नैतिक जबाबदारी आहे. उदरनिर्वाह आणि दोन्ही लहान मुलांच्या संगोपनासाठी पत्नीला पैशांची गरज आहे, असा निष्कर्ष काढत पतीने पत्नीला दरमहा २० हजार रुपये पोटगी देण्याचा आदेश न्यायालयाने दिला..तसेच, ती राहत असलेल्या ठिकाणी, माहेरी अथवा रस्त्यावर कुठेही तिला शिवीगाळ, दमदाटी करू नये. न्यायालयाच्या परवानगीशिवाय मुलांना परस्पर घेऊन जाऊ नये, असा आदेश प्रथमवर्ग न्यायदंडाधिकारी अमोल शिंदे यांनी दिला..सुरेश आणि सुरेखा (नावे बदललेली) या दाम्पत्याबाबत न्यायालयाने हा निकाल दिला. त्यांचा प्रेमविवाह २०१५ मध्ये झाला होता. त्यांना दोन मुले आहेत. काही वर्षे संसार केल्यानंतर सुरेशने पत्नीला शारीरिक आणि मानसिक त्रास देण्यास सुरूवात केली. त्याने दुसरा विवाह केल्याचे तिला आढळून आले आहे..याबाबत विचारणा केली असता, तिला कोंडून ठेवले. त्यानंतर त्रास देऊन माहेरी जाण्यास भाग पाडले. त्यामुळे तिने कौटुंबिक हिंसाचार कायद्यानुसार दावा दाखल केला होता. यामध्ये पोटगीची मागणी केली आहे. तिच्या वतीने ॲड. कल्पना निकम यांनी बाजू मांडली..अर्जदार यांचे तुटपुंजे उत्पन्न आहे. सुरेश दोन्ही मुलांना सांभाळण्याची नैतिक जबाबदारी टाळत आहेत. तो नोकरी करत असून, चांगला पगार आहे. शिवाय शेतीतून आणि घरातील इतर व्यक्तींचेही उत्पन्न चांगले आहे. त्यामुळे दरमहा ३५ हजार रुपये पोटगीची मागणी केली. यास पतीने विरोध केला. ती नोकरी करत असल्याचे न्यायालयात सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.