पुणे : शहरात गुन्हेगारी टोळ्या आणि जागा माफियांकडून मोक्याच्या जागांवर कब्जा करण्याची उदाहरणे समोर येत आहेत. बनावट कागदपत्रांच्या आधारे त्या ठिकाणी इमारतींचे बांधकामही करण्यात येत आहे. याबाबत पोलिसांकडून कारवाईस दिरंगाई होत असल्याच्या तक्रारी वाढत आहेत. भविष्यात अशा जागांची मालकी मूळ जागामालकांस मिळाल्यानंतर सदनिकाधारकांच्या फसवणुकीला जबाबदार कोण, असा प्रश्न निर्माण झाला आहे.
