पुणे - पुण्यासह अखिल भारतीय औषध विक्रेत्या संघटनांनी सध्याच्या औषधांच्या बेकायदेशीर ऑनलाइन विक्रीबाबत सरकारला गंभीर इशारा दिला आहे. संघटनेने ‘१० मिनिटांत औषध वितरण’ करणाऱ्या ई-फार्मसी कंपन्यांवर त्वरित बंदी घालावी, अशी मागणी केली आहे..गेल्या काही वर्षांत ऑनलाइन औषध विक्रीद्वारे औषधांचा गैरवापर जवळपास ५५ टक्क्यांनी वाढला असून त्याचे गंभीर दुष्परिणाम येणाऱ्या काळात दिसून येतील, असेही त्यांनी नमुद केले आहे. या मागणीला पुणे केमिस्ट असोसिएशन ने देखील पाठिंबा देत ऑनलाइन औषधविक्री बंद करावी, अशी मागणी केली आहे..सध्या अनेक औषधांची ऑनलाइन विक्री होत आहे. औषधविक्रेत्या संघटनांच्या मते, या कंपन्यांना ऑनलाइन औषधे विक्री करण्याचा कोणताही परवाना नाही. कारण याद्वारे औषधांच्या गुणवत्तेची हमी देता येत नाही. प्रत्येकवेळी ही औषधे डॉक्टरांच्या चिठ्ठीवरच दिली जातात असे नसून ते चिठ्ठीशिवाय देखील दिली जातात..त्यामध्ये औषधे नेमकी कोठून येतात, ते योग्य तापमानात ठेवलेली असतात का याबाबतही शंका उपस्थित केल्या जात आहेत. तसेच त्याद्वारे गर्भपातांच्या गोळ्यांची देखील विक्री होत असल्याचा आरोप केला जात आहे. सवय लागणाऱ्या औषधांची विक्री होत असून ऑनलाइन औषधे विक्री करणारे ॲप हे नियमाचे उल्लंघन करत असूनही त्यांच्यावर कारवाई होत नसल्याचे संघटनांनी स्पष्ट केले आहे..अखिल भारतीय औषध विक्रेत्या संघटनेचे अध्यक्ष जगन्नाथ शिंदे व सचिव राजीव सिंघल यांनी याबाबत केंद्रीय गृहमंत्री अमित शाह यांना या ऑनलाइन फार्मसी च्या विरोधात निवेदन दिले आहे. त्यामध्ये त्यांनी खासगी औषधविक्री करणाऱ्या कंपन्यांकडून अन्नपदार्थांप्रमाणे दहा मिनिटांत औषधे थेट ग्राहकांपर्यंत पोहोचवली जात असल्याबाबत निषेध व्यक्त केला आहे..हे औषधे व सौंदर्यप्रसाधने कायद्याचे उल्लंघन असल्याचे स्पष्ट केले असून यामध्ये फक्त डॉक्टरांच्या वैद्यकीय प्रिस्क्रिप्शनवरच मिळू शकतात अशी औषधेही आहेत. परंतु वास्तविकतेत कोणतीही पडताळणी यंत्रणा अस्तित्वात नसल्याने औषधांचा बेकायदेशीर पुरवठा होत असल्याचे म्हटले आहे.ई-फार्मसी व्यवसाय हे औषधे सामान्य वस्तूप्रमाणे विक्रीस ठेवत आहेत, त्यामुळे स्थानिक विक्रेत्यांवर परिणाम होत असून अशा कंपन्यांवर कठोर कारवाई करून औषध प्रशासन व औषध आणि सौंदर्यप्रसाधने कायदा’चे पालन अमलात आणावे असे यामध्ये म्हटले आहे..ऑनलाइन औषध विक्रीला अजूनही कोणत्याही प्रकारची परवानगी नाही. तरीही, अजूनही काही ऑनलाइन व्यवसायाच्या माध्यमातून औषधे येत असून ते स्वीगी व झोमॅटो सारखी दहा मिनिटांत विक्री केली जात आहे. मुळात अन्न व औषध प्रशासन तसेच औषध आणि सौंदर्यप्रसाधने कायदा, १९४० नुसार औषधविक्री ही फार्मासिस्टच्या देखरेखीखाली व्हायला हवी..अशा ऑनलाइन विक्रीद्वारे जर काही चुकीची औषधे आली तर त्याचा दुष्परिणाम मोठा होईल. समाजाच्या हितासाठी यावर बंदी यायला हवी. काही औषधे ही ठराविक तापमानात ठेवायला लागतात. त्याचे अवलंबन होईलच असे नाही. राज्यात ४ लाख ७२ हजार औषध विक्रेते असून ते नियम पाळूनच औषधे विक्री करतात.- अनिल बेलकर, अध्यक्ष, केमिस्ट असोसिएशन, पुणे डिस्ट्रीक्ट.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
