'सकाळ'च्या वृत्ताची दखल, नारायणगाव परिसरातील रस्त्याची तातडीने दुरुस्ती

नारायणगाव : कुकडी पाटबंधारे विभाग क्र.१चे कार्यकारी अभियंता प्रशांत कडूसकर यांनी दैनिक सकाळ मध्ये प्रसिध्द झालेल्या बातमीची तातडीने दखल घेऊन येथील मीना शाखा कालव्याच्या पोटचारीवर असलेल्याची रस्त्याची दुरुस्ती केली.
या मुळे खड्डेमय रस्त्यामुळे मागील महिनाभर जीव मुठीत धरून येथील रस्त्यावरून करावी लागणारी शेतमालाच्या वाहतूकीची कसरत दूर झाली. या मुळे शेतकरी वर्गातुन समाधान व्यक्त होत आहे.

- ताज्या बातम्यांसाठी डाऊनलोड करा ई-सकाळचे ऍप

दरम्यान, ज्येष्ठ शेतकरी श्रीपत मेहेत्रे, अमोल पाटे, भूषण घोडेकर, गणेश मेहेत्रे, रोहन पाटे, विनायक मोरे यांनी दैनिक सकाळ व रस्त्याची दुरुस्ती करणारे कार्यकारी अभियंता कडूसकर ,शाखा अभियंता आर. बी. रावले यांचे आभार मानले.

नारायणगाव येथून पुर्व पश्चिम मीना शाखा कालवा गेला आहे. या कालव्याच्या दक्षिण बाजूस  खडकवाडी ते हिवरे तर्फे नारायणगाव दरम्यान सुमारे चार किलोमीटर लांब पोटचारी काढण्यात आली आहे. मीना शाखा कालव्यातील पाणी पोटचारीत सोडून सिंचन केले जाते. तसेच या चारिव्दारे मीना नदीतील कोल्हापूर बंधाऱ्यात पाणी सोडले जाते. या मुळे हा भाग बारमाही बागायती झाला आहे. तीस वर्षापूर्वी करण्यात आलेल्या या चारीलगत पाटबंधारे विभागाने सुमारे बारा फूट रुंद रस्ता केला आहे. पोटचारीसाठी व रस्त्यासाठी शेतकऱ्यांच्या जमिनी संपादित केल्या आहेत.या रस्त्याचा वापर शेतकरी रहदारी व शेतमालाच्या वाहतूकिसाठी करत आहेत. मागील अनेक वर्षे  दुरुस्ती न झाल्याने रस्त्याची दुरवस्था झाली होती. रस्त्यावर  एक ते दीड फूट खोलीचे खड्डे पडले होते. रस्त्याच्या एका बाजूला खोल चारी तर दुसऱ्या बाजूला उतार असल्याने वाहतूकीसाठी हा रस्ता धोकादायक झाला होता. पाठपुरावा करून देखील निधी नसल्याने या रस्त्याच्या दुरुस्तीकडे दुर्लक्ष झाले होते.

आता लॉयब्ररी देखील ऑनलाईन; विद्यार्थ्यांनो घरबसल्या करा अभ्यास

या बाबतचे वृत्त दै. सकाळ मध्ये(ता.३०) प्रसिध्द झाले होते.त्या नंतर लगेचच कडूसकर,रावले यांनी रस्त्याची पाहाणी करून रस्ता दुरुस्तीचे काम सुरू केले.मागील दोन दिवसात रस्त्यावरील खड्डे मुरूम टाकून भरून घेतले आहेत.
श्रीपत मेहेत्रे : दै. सकाळने शेतकऱ्यांच्या समस्येची दखल घेतल्याने वृत्त प्रसिद्ध होताच रस्ता दुरुस्तीचे काम सुरू झाले. या मुळे मागील दोन महिने सुरू असलेली शेतमाल वाहतूकीची व रहदारीची गैरसोय दूर झाली.

- पुण्याच्या बातम्या वाचण्यासाठी येथे ► क्लिक करा

कोरोनाचा वाढता प्रादुर्भाव, खंडित वीजपुरवठा, नादुरुस्त रस्ता, बिबट्याचे हल्ले आदी समस्यांमूळे या भागातील शेतकरी मेटाकुटीला आले आहेत. तूर्त रस्त्याचा प्रश्न मार्गी लागला आहे. या भागात तीन बिबट्याचे वास्तव्य आहे. बिबट्याच्या हल्ल्यात पाळीव जनावरे ठार झाली आहेत. वन विभागाने या भागातील बिबट्याचा समस्येचा प्रश्न सोडवावा. -अमोल पाटे, स्थानिक नागरिक  

(संपादन : सागर दिलीपराव शेलार)