'तो' हळदीनिमित्त आला... त्याने 60 जणांना प्रसाद दिला अन्...

मंचर : आंबेगाव तालुक्यातील निरगुडसर येथे आलेल्या कोरोना बाधित रुग्णाने हळदीच्या निमित्ताने आलेल्या साठ जणांना प्रसाद दिला आहे. त्यामध्ये बांगड्या भरण्यासाठी आलेला कासार मामा व फोटोग्राफरचा समावेश आहे. संबंधित रूग्ण मुंबईहून गावी आले होते.

पुण्याच्या बातम्या वाचण्यासाठी येथे  क्लिक करा

पुतणीच्या लग्नाची तयारी करण्यात आली होती. चार दिवसांपूर्वीच हळदीचा कार्यक्रम झाला. संबंधित रुग्णाला लक्षणे दिसू लागल्यामुळे त्याला प्रथम मंचर उपजिल्हा रुग्णालयात दाखल केले. प्राथमिक तपासणीनंतर पुणे येथे तपासणीसाठी पाठवले होते. त्याचा अहवाल पॉझिटिव्ह आल्यामुळे त्याच्या संपर्कात आलेले यांची चौकशी आरोग्य विभाग व प्रशासनाने सुरू केली आहे. संबंधिताचे घर एकांतात आहे. पण हळदीच्या कार्यक्रमात रुग्ण सहभागी झाला होता. 55 जणांना स्वतःच्या घरातच होमक्वारंटाईन करण्यात आले आहे.

हायड्रॉक्सिक्लोरोक्वीन औषधाचा वापर कोणासाठी?

पाच जणांना वडगाव काशिंबेग येथील भीमाशंकर आयुर्वेदिक हॉस्पिटलमध्ये विलगीकरण कक्षात ठेवले  आहे. जवळे गावातील आढळलेल्या रुग्णाच्या दोन नातेवाईकांना भीमाशंकरच्या आयुर्वेदिक हॉस्पिटलमध्ये विलगीकरण कक्षामध्ये ठेवले आहे. आंबेगाव तालुक्यात पॉझिटिव्ह आलेल्या रुग्णांची संख्या सहा झाली आहे. त्यामुळे प्रशासन व गावकरी काळजीत पडले आहेत.