पुणे - बचत खाते पगाराच्या खात्यात परिवर्तित केल्याने बचत खात्याला लागू असलेले विमा संरक्षण बदललेल्या खात्याला लागू होणार नाही, असे म्हणत विमा नाकारणे विमा कंपनीला महागात पडले आहे.
अपघाती विम्याचे ४० लाख रुपये विमा नाकारल्याच्या तारखेपासून प्रतिवर्षी नऊ टक्के व्याजाने मृत्यू झालेल्या नोकरदाराच्या कुटुंबाला द्यावी. आदेश झाल्यापासून ४५ दिवसांच्या आत रक्कम न दिल्यास त्या रकमेवर नऊ ऐवजी १२ टक्के दराने व्याज द्यावे लागेल.
असा निकाल अतिरिक्त जिल्हा ग्राहक तक्रार निवारण आयोगाचे अध्यक्ष अरुण गायकवाड, सदस्य कांचन गंगाधरे व प्रणाली सावंत यांनी दिला आहे. तक्रारदार यांना झालेल्या मानसिक त्रास पोटी विमा कंपनीने तक्रारदार यांना २५ हजार रुपये व तक्रारीचा खर्च दहा हजार रुपये देण्याचे आदेशात नमूद आहे.
याबाबत सविस्तर माहिती अशी की, पुणे महानगरपालिकेमध्ये नोकरीस असलेल्या सूर्यकांत कोलते यांचे बँक ऑफ महाराष्ट्रमध्ये बचत खाते होते. बँकने ओरिएंटल इन्शुरन्स या विमा कंपनीसोबत एक सामंजस्य करार करून बँकेच्या खातेधारकांना अपघाती विमा संरक्षण देण्याचे ठरविले.
ज्यामध्ये खातेधारकाचा अपघाती मृत्यू झाल्यास ४० लाख रुपये देण्याची तरतूद होती. कोलते यांनी त्यांचे बचत खाते हे महाबँक पगारी खात्यात परिवर्तित केले होते. त्यानंतर १२ नोव्हेंबर २०२० ला कोलते यांचा अपघाती मृत्यू झाला. मृत्यू विषयी विमा कंपनीस कळवून कोलते यांच्या कुटुंबीयांनी सर्व कागदपत्रे जमा करून अपघाती रकमेची मागणी केली होती.
मात्र विमा कंपनीने त्यांचा दावा खात्याचा प्रकार बदलल्याने अमान्य केला होता. कोलते कुटुंबीयांनी विमा कंपनीस नोटीस पाठविली. मात्र तरी देखील कंपनीने कोणतीच कार्यवाही न केल्यामुळे अखेर त्यांनी ॲड. ज्ञानराज संत यांचे मार्फत अतिरिक्त जिल्हा ग्राहक तक्रार निवारण आयोगाकडे विमा कंपनीविरुद्ध ग्राहक तक्रार दाखल केली.
तक्रारदारांतर्फे ॲड. ज्ञानराज संत यांनी युक्तिवाद केला की, बँक आणि विमा कंपनीमध्ये झालेल्या सामंजस्य करारनाम्यानुसार व इतर कागदपत्रानुसार विमा कंपनीने ४० लाख रुपये देण्याचे बेकायदेशीररित्या टाळले आहे. विमा कंपनी जबाबदारी टाळू शकत नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.