Parner Fraud Case : भरमसाठ परताव्याच्या आमिषाला बळी पडून पारनेर श्रीगोंदा व पुणे जिल्ह्यातील गुंतवणूकदारांना सुमारे 3300 कोटींना घातला गंडा

पारनेर - भरमसाठ परतावा देण्याच्या अमिषाला बळी पडल्याने सुपे परीसरातील सुमारे चारशे कोटी रूपये 'सीसपे कंपनीत' आता बुडाल्यात जमा आहेत. कारण सुपे येथील 'सीसपे कंपनी'ने गाशा गुंडाळला असून सुमारे चार महिन्यापासून फक्त लवकरच तुमचे पैसे मिळतील काळजी करू नका..आम्ही आहोत अशी अश्वासणे देण्याचे काम येथील कंपनीच्या एजंटांनी केले आहे. गुंतवणुकदार पैसे मागण्यासाठी चकरा मारत आहेत. मात्र, आता पाच ते सहा दिवसांपासून कार्यालयच बंद झाल्याने अनेक जण याबाबत तक्रार दाखल करण्याच्या तयारीत आहेत.तालुक्यात यापुर्वी काही पतसंस्थांमध्ये घोटाळे झाल्याने त्या पतसंस्थांमध्ये अनेक गोरगरीब ठेवीदारांचे लाखो रूपये अडकले आहेत. त्यानंतरही पारनेर शहरात 'श्रीमंत बाजार' नावाने एक ऑनलाईन ट्रेडींग सुरू होते. त्यातही सुमारे 15 ते 20 टक्के परतावा दिला जात होता..या मोठ्या परताव्याच्या अमिषाला बळी पडून त्यातही अनेक उच्चभ्रू व सुशिक्षितांनी कोट्यावधीची गुंतवणुक केली होती. मात्र त्याही कंपनीचे काही दिवसातच दिवाळे निघाले व त्यातही गुंतवणुकदारांचे लाखो रूपये अडकले ते परत मिळालेच नाहीत.त्यानंतर सुपे येथीलच मनिमॅक्स नावाची कंपनी आली त्याही कंपनीने 12 ते 18 टक्के परताव्याचे अमिष दाखविले काही दिवस परतावाही दिला. मात्र, सुमारे सहा महिण्यांपुर्वी ही कंपनीसुद्धा गायब झाली याही कंपनीत सुपे व परीसरातील लाखो रूपये गुंतवणुकदारांचे बुडाले आहेत. यातील कंपनीच्या संचालकांवर गुन्हाही दाखल झाला आहे..याला काही महीने होत नाहीत तोच अता सुपे व परीसरातील गुंतवणुकदारांचे प्रथम सीसपे नंतर 'झेस्ट' या नावाची शेअर्समध्ये गुंतवणुकीच्या नावाखाली व 12 ते 15 टक्के परतावा देण्याचे अमिष दाखवून लाखो रूपये जमा केले व आता याही ठिकाणी गुंतवणुकदारांचे काही दिवसापासून पैसे परत मिळेनासे झाले आहेत. कंपनीचे काम सुरू आहे. कंपनीचे नाव बदलले आहे.परकीय चलनात आपले शेअर्स बदलले जात आहेत, सॉफ्टवेअर दुरूस्ती सुरू आहे, अशी कारणे सांगत गुंतवणुकदारांना काही दिवस झुलवत ठेवले होते. आता मात्र कंपनीचे कार्यालय पाच ते सहा दिवसांपासून बंद झाल्याने अता पैसे मिळणार नाहीत अशी खात्री गुंतवणुकदारांची झाली आहे. त्यामुळे काही गुंतवणुकदार तक्रार देण्याच्या तयारीत आहेत..सीसपेमध्ये पैसे जमा करण्याचे प्रलोभन देणारे गावातीलच स्थानिक एजंट होते. त्यामुळे त्यांच्यावर अनेकांनी विश्वास ठेवला. एजंटांनी आपले मित्र जवळचे नातेवाईक यांचेच पैसे गुंतवणुकीसाठी घेतले. त्याना प्रथम काही दिवस चांगला परतावा ही दिला होता. आता मात्र पैसे मिळत नसल्याने सर्वजण हताश झाले आहेत. पैसे मित्राच्या किंवा नातेवाईकांच्यामार्फत गुंतवल्याने अनेकांची तक्रार करण्याची अडचण झाली आहे..अनेकांनी कर्ज काढून तर काहींनी आपली सेवानिवृत्तीची पुंजी यात गुंतविल्याची चर्चा सुरू आहे. सुपे परीसरात नव्याने एमआयडीसी झाल्याने त्या ठिकाणी ज्यांच्या जमिनी गेल्या होत्या त्यांना जमिनीचे पैसे मिळाले होते. त्यांनी ते पैसे यात गुंतविले आहेत. त्यामुळे आता जमिनही गेली व पैसेही गेले अशी काहींची अवस्था झाली आहे..काही गुंतवणुकदारांची 50 लाख ते थेट कोटी रूपयांची गुंतवणुक आहे. मात्र, आता त्यातील अनेकांचा हा काळा पैसा असल्याने त्यांनी तक्रार केली तर हे पैसे आले कसे? याबाबत त्यांना उत्तर देता येणार नाही. म्हणून ते तक्रार करण्यासाठी पुढे येत नाहीत. तर काहींना गुंतविलेली मुळ रक्कम परताव्याच्या माध्यमातून परत मिळाली आहे. त्यामुळे आम्हाला मुद्दल मिळाली आता आम्हाला काही घेणे देणे नाही असेही झाल्याने सध्यातरी कोणीच तक्रारदार पुढे येत नाही.याच कंपनीच्या नावांने पारनेरसह श्रीगोंदे, अहिल्यानगर व पुणे जिल्ह्यातूनही मोठ्या प्रणावर गुंतवणुक झाली आहे. व ती सुमारे तीन हजार तीनशे कोटी रूपये आहे अशी चर्चा सध्या सुरू आहे. प्रत्येक जण तुझे किती अडकले? एवढेच विचारत असून तीच चर्चा सर्वत्र आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories