पुण्यात लॉकडाऊन कधी सुरू होणार? पोलिस सहआयुक्त म्हणतात...

पुणे : कोरोनाच्या वाढत्या संसर्गामुळे प्रशासनाने जाहीर केल्याप्रमाणे सोमवारी (ता.१३) मध्यरात्रीपासून 10 दिवसांचा लॉकडाऊन सुरू होईल, त्यामुळे सोमवारी दिवसभर शहर नियमितपणे सुरू राहील, असे पोलिस सहआयुक्त डॉ. रविंद्र शिसवे यांनी स्पष्ट केले. त्यामुळे लॉकडाऊन सोमवार सकाळपासून सुरू होणार असल्याच्या चर्चेला आणि अफवांना पूर्णविराम मिळाला आहे.

- Big Breaking : पुण्यातील चार आयएएस अधिकाऱ्यांच्या बदल्या; वाचा कुणाची कुठे झाली बदली!

पुणे, पिंपरी-चिंचवड आणि ग्रामीण भागात कोरोना बाधित रुग्ण संख्या वेगाने वाढत असल्याने आणि कोरोनाची साखळी तोडण्यासाठी प्रशासनाने दहा दिवसांचा लॉकडाउन जाहीर केला आहे. सोमवारी मध्यरात्री (ता.१४) रात्री १२ वाजल्यापासून ते २४ जुलैपर्यंत हा लॉकडाऊन लागू असणार आहे, असे प्रशासनाने यापूर्वीच स्पष्ट केले आहे.

- सायबर पोलिसांचा करिष्मा; ऑनलाईन फ्रॉड झालेल्या कॉसमॉस बँक आणि नागरिकांचे पैसे केले परत!​

त्यादृष्टीने पोलिस प्रशासनाकडून पोलिस ठाण्याच्या पातळीवर लॉकडाऊनच्या दृष्टीने सर्व तयारी केली जात आहे. मात्र स्थानिक पातळीवरील पोलिसांकडून लॉकडाऊन सोमवारी सकाळपासूनच लागू होणार असल्याचे नागरिकांना सांगितले जात आहे. त्यामुळे नागरिकांमध्ये संभ्रम निर्माण झाला होता.

- पुण्याच्या बातम्या वाचण्यासाठी येथे ► क्लिक करा

या पार्श्वभूमीवर डॉ. शिसवे म्हणाले, "प्रशासनाने सोमवारी मध्यरात्रीपासून लॉकडाऊन जाहीर केला आहे, त्यानुसार त्याची अंमलबजावणी केली जाईल. म्हणजेच सोमवारी नेहमीप्रमाणे शहर दिवसभर सुरू राहील. नागरिकांनी नाहक चर्चा आणि अफवांवर विश्वास ठेवू नये."

- ताज्या बातम्यांसाठी डाऊनलोड करा ई-सकाळचे ऍप

(Edited by : Ashish N. Kadam)