ऐन शिक्षक दिनी कनिष्ठ महाविद्यालयीन शिक्षकांनी पाळला 'काळा दिन'!

पुणे : राज्यातील सुमारे ५० हजार कनिष्ठ महाविद्यालयीन शिक्षकांनी काळ्या फिती बांधून अध्यापन तसेच ॲडमिशनचे काम शनिवारी (ता.५) केले. महाराष्ट्र राज्य कनिष्ठ महाविद्यालयीन शिक्षक महासंघाने जाहीर केल्याप्रमाणे राज्यात ठिकठिकाणी संघटनेतर्फे जिल्हाधिकारी, तहसीलदार यांना निवेदन देण्यात आले आहे.

- ...अन् दोन गुण कमी मिळाले; प्रकाश जावडेकरांनी सांगितल्या शिक्षकांविषयीच्या आठवणी!​

राज्यात कार्यरत असलेल्या ७० हजार कनिष्ठ महाविद्यालयीन शिक्षकांपैकी सुमारे ४० हजार शिक्षक कोणत्या ना कोणत्या तरी समस्येने ग्रस्त आहेत. अनुदान, नियुक्ती मान्यता, शालार्थ, वेतन श्रेणीत मान्यता, वेतन निश्चिती करण, वरिष्ठ तसेच निवडश्रेणी न मिळणे, पदोन्नती, पदोन्नतीची मान्यता, कापलेल्या रकमेचा हिशोब नसणे, विनाअनुदानित/अंशतः अनुदानितमध्ये वेतन न मिळणे किंवा अत्यल्प वेतन मिळणे, निवृत्तीनंतरचे लाभ वेळेवर न मिळणे अशा सर्व प्रकारच्या टप्प्यावर शिक्षकांना त्रास दिला जात आहे.

- Breaking : रेल्वे प्रशासनाचा मोठा निर्णय; १२ सप्टेंबरपासून धावणार विशेष रेल्वेगाड्या!​

कनिष्ठ महाविद्यालयीन शिक्षकांच्या विविध मागण्यांच्या पूर्ततेसाठी संघटना वारंवार आंदोलन करीत आहे. पण शिक्षणमंत्री त्याकडे दुर्लक्ष करीत आहेत. हा असंतोष शिक्षकांनी काळा दिवस पाळून व्यक्त केला असल्याचे सर्व कनिष्ठ महाविद्यालयीन शिक्षकांचे महासंघाचे समन्वयक प्रा. मुकुंद आंधळकर यांनी सांगितले.

शाळा-कनिष्ठ महाविद्यालयांना अनुदान द्या, वाढीव शिक्षक पदांना मान्यता द्या, आय.टी. विषय शिक्षकांना वेतन श्रेणी द्या, जुनी पेन्शन योजना लागू करा, सेवांतर्गत आश्वासित प्रगती योजना शिक्षकांना लागू करा, या मान्य मागण्यांचे आदेश त्वरित काढावेत, यासाठी महासंघाने हे आंदोलन केले.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)