Bee Attack : लेणी पाहण्यास आलेल्या मुंबईच्या पर्यटकांवर मधमाशांचा हल्ला; पाच पर्यटक गंभीर जखमी

माणमोडी डोंगरात असलेल्या भुतलेणी समुह येथे लेणी पहाण्यासाठी आलेल्या मुंबईच्या अकरा पर्यटकांवर आज शनिवार ता.२५ रोजी दुपारी मधमाशांनी हल्ला केला.
Bee Attack
Bee Attacksakal

जुन्नर - आगार-खोरेवस्ती, ता. जुन्नर जवळील माणमोडी डोंगरात असलेल्या भुतलेणी समुह येथे लेणी पहाण्यासाठी आलेल्या मुंबईच्या अकरा पर्यटकांवर आज शनिवार ता.२५ रोजी दुपारी मधमाशांनी हल्ला केला. यात पाच पर्यटक गंभीर जखमी झाले आहेत.

मुलुंड, डोंबिवली व नेरुळ येथून हे पर्यटक लेणी पाहण्यास आले होते. लेणी पहात असताना मोबाईलच्या विजेरीचा प्रकाश पडल्याने मधमाशा उठल्या व त्यांनी अचानक हल्ला केला. यामुळे पर्यटकांनी आपले जवळील सामान, मोबाईल तेथेच टाकून पळ काढला. मधमाशांच्या दंशामुळे जखमी झालेल्या पर्यटकांना जुन्नर येथील प्रशांत कबाडी यांनी त्यांच्या रुग्णवाहिकेतून ग्रामीण रुग्णालयात आणले.

Bee Attack
MLA Bhimrao Tapkir : खडकवासला धरणाच्या रिकाम्या जागेत क्रीडांगण करा

वनरक्षक रमेश खरमाळे, तेजस शिंदे, ऋषिकेश गाढवे, भरत चिलप, दिपक सांगडे यांची मदत झाली. पर्यटकांच्या वस्तू लेणीतून आणून त्यांना देण्यात आल्या. पर्यटकांवर जुन्नरच्या ग्रामीण रुग्णालयात प्राथमिक उपचार करण्यात आले यापैकी पाच रुग्णांना नारायणगाव येथील खासगी रुग्णालयात दाखल करण्यात आले आहे.

पुष्पांवती कांबळे, प्रियदर्शन कांबळे, आरती वाघमारे, सुवर्णा कांबळे, पंडित थोरात यांच्यावर उपचार सुरू आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com