जुन्नर (पुणे) : जु्न्नर तालुक्यात एक महिन्यापूर्वी वानराची शिकार करणाऱ्या दोघांना वनविभागाने ताब्यात घेऊन त्यांच्याविरुद्ध गुन्हा दाखल केला आहे. या आरोपींना गुरुवारी (ता. ११) जुन्नर न्यायालयात हजर केले. यावेळी न्यायालयाने त्यांना २४ जूनपर्यंत न्यायालयीन कोठडीत ठेवण्याचा आदेश दिला आहे. त्यानंतर त्यांची जामिनावर मुक्तता झाली आहे.
एकनाथ गोपाळ आसवले (रा. फुलवडे, ता. आंबेगाव) व गणपत शिमगे हिलम (रा. धालेवाडीतर्फे मिन्हेर, ता. जुन्नर), अशी या आरोपींची नावे आहेत. त्यांनी एक महिन्यापूर्वी एका वानराचा पाठलाग करून गलोलीच्या सहायाने त्यास दगड मारून ठार केले. नंतर त्याचे तुकडे करून मासांचे इतरांना वाटप केले व त्यांनी मांस शिजवून खाल्ले होते.
वन्यप्राण्याची शिकार करून त्याचे मांस खाल्ले असल्याचे समजताच वन अधिकाऱ्यांनी चौकशी सुरू केली. त्यावेळी हे दोघे आरोपी फरारी झाले होते. ते पुन्हा आले असल्याची खबर मिळताच त्यांना ताब्यात घेऊन अटक करण्यात आली, तर अन्य आरोपींचा शोध सुरू असल्याचे वनक्षेत्रपाल अजित शिंदे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.