"शिंदे साब बढीया काम कर रहे है", पुण्यात कालीचरण महाराजांची स्तुतीसुमने | Kalicharan Maharaj praise Eknath Shinde | Sakal
sakal

बोलून बातमी शोधा

Kalicharan Maharaj

"शिंदे साब बढीया काम कर रहे है", पुण्यात कालीचरण महाराजांची स्तुतीसुमने

पुणे - आपल्या वादग्रस्त वक्तव्यांसाठी परिचित असलेल्या कालीचरण महाराजांनी आज राज्याचे नवे मुख्यमंत्री एकनाथ शिंदे यांचं कौतुक केलं. पुण्यातील शुक्रवार पेठेतील अखिल म्हसोबा उत्सव मंडई ट्रस्टकडून आयोजित म्हसोबा उत्सवाच्या दीप अमावस्येनिमित्त कार्यक्रमात कालीचरण महाराज उपस्थित होते. यावेळी त्यांनी माध्यमांना प्रतिक्रिया दिली. (Kalicharan Maharaj News in Marathi)

हेही वाचा: स्मिता ठाकरे पोहोचल्या मुख्यमंत्री एकनाथ शिंदे यांच्या भेटीला; चर्चांना उधाण

कालीचरण महाराज म्हणाले की, इथे येऊन खूप चांगलं वाटलं. आयोजकांनी खूप चांगलं कार्यक्रम घेतला. पुढच्या वर्षी अधिक प्रसन्नता वाटेल अशी आशा आहे. श्रावण सुरू झाला असून सगळ्यांनी शिवाची आराधना करावी, अस आवाहन त्यांनी केलं.

दरम्यान सर्वांनी सुख-समृद्धी प्राप्त करून घ्यावी. तसेच हिंदू संस्कृतीच्या उत्थानासाठी छत्रपती शिवाजी महाराज यांचा अवतार भूलोकावर येवो आणि हिंदू संस्कृतीचे रक्षण करावे, अशी प्रार्थना शिवाच्या चरणी करावी असही कालीचरण महाराज म्हणाले.

हेही वाचा: उद्धव ठाकरे हार माननारे नाहीत! कसं ते जाणून घ्या या 'तीन' किश्श्यांमधून

राज्यातील हिंदुत्ववादी सरकारला आमचा पाठिंबा आहे. आता उद्धव ठाकरे यांना सल्ला देऊन काय फायदा असं म्हणतानाच कालीचरण महाराज यांनी ''शिंदे साब बढीया काम कर रहे है' असं म्हणत कौतुक केलं. त्यांनी दोन शहरांचं नामांतर केलं. वास्तविक पाहता ते नामांतर नसून पूर्वीची नावं त्यांनी शहराला दिल्याचं कालीचरण महाराज यांनी नमूद केलं. शिंदे सरकारने औरंगाबादचं नाव छत्रपती संभाजीनगर तर उस्मानाबादचं नाव धाराशिव करण्याचा निर्णय़ घेतला आहे.

दरम्यान हिंदूंच्या अस्मितेचा विजय होईल, अशा राजांनी निरंतर सत्तेत बसाव. एकनाथ शिंदे यांना हार्दिक शुभेच्छा. मला आनंद आहे की शिंदे सरकार आलं. हिंदुत्ववादी लोकांनीच सत्तेत बसाव हा आमचा अजेंडा असल्याचं म्हटलं आहे.

Web Title: Kalicharan Maharaj Praise Eknath Shinde

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top