पुणे - ‘केतनला न्याय मिळवून देण्यासाठी पोलिसांनी सखोल तपास करावा आणि आरोपींना कठोर शिक्षा व्हावी, यासाठी सरकारने प्रयत्न करावेत,’ अशी मागणी केतनचे वडील विशाल अग्रवाल यांनी केली..केतनची नियोजित पत्नी सिया गोयल आणि तिचा प्रियकर चेतन चौधरी यांनी १८ जून रोजी त्याची लोहगडावर हत्या केल्याचा आरोप आहे. या घटनेनंतर केतनच्या आजोबांना मोठा मानसिक धक्का बसला आणि उपचारादरम्यान त्यांचा मृत्यू झाला. विशाल अग्रवाल म्हणाले, केतनचा विवाह ज्या मध्यस्थ नातेवाईक दाम्पत्याने ठरवला, त्यांनी मुलीची पार्श्वभूमी तपासायला हवी होती. घटनेनंतर त्यांनी आमच्याशी संपर्क तोडला असून, त्यांचीही चौकशी झाली पाहिजे. पोलिस योग्य तपास करून केतनला न्याय देतील. या प्रकरणातील सत्य समोर आले पाहिजे..सिया नेहमी फोनवर व्यस्त असायची, असे केतनने सांगितले होते; मात्र लग्न झाल्यावर सर्व ठीक होईल, असे म्हणून आम्ही त्याला समजावले होते, अशी खंत त्यांनी व्यक्त केली. समाजाने मुलांना चांगले संस्कार द्यावेत, जेणेकरून अशी घटना कोणाच्याही आयुष्यात घडणार नाही, असे भावनिक आवाहन त्यांनी केले. या प्रकरणातील दोन्ही आरोपी सध्या न्यायालयीन कोठडीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
