Khadakwasla Dam Sakal
पुणे
Khadakwasla Dam : धरणांतून वाढता विसर्ग; पुणे-पिंपरीत सतर्कतेचा इशारा, पूरस्थितीची शक्यता; नागरिकांनी दक्ष राहावे, पूर नियंत्रण कक्ष
Pune Rain : पुण्यात झालेल्या मुसळधार पावसामुळे खडकवासला, पानशेत, वरसगाव व पवना धरणांतून वाढता विसर्ग सुरू असून, नदीकाठच्या भागांना पूराचा धोका असल्याने नागरिकांना सतर्क राहण्याचे आवाहन करण्यात आले आहे.
खडकवासला : पुणे जिल्ह्यात गेल्या दोन दिवसांपासून झालेल्या मुसळधार पावसामुळे धरणसाठा झपाट्याने वाढत असून खडकवासला, पानशेत, वरसगाव आणि पवना धरणांतून मोठ्या प्रमाणावर विसर्ग सोडला जात आहे. या पार्श्वभूमीवर पुणे व पिंपरी- चिंचवड परिसरातील नदीकाठच्या भागात पूरस्थितीचा धोका वाढल्याने सर्व सरकारी यंत्रणा आणि नागरिकांनी सतर्क राहण्याचे आवाहन पुणे मध्यवर्ती पूर नियंत्रण कक्षाच्या सनियंत्रण अधिकारी श्वेता कुऱ्हाडे यांनी प्रसिद्ध केलेल्या पत्रकात म्हटले आहे.