Khadakwasla Dam : खडकवासला धरण साखळीत ७५ टक्के पाणीसाठा; धरण साखळी जलमय

खडकवासला : खडकवासला धरण साखळीतील पानशेत, वरसगाव, टेमघर आणि खडकवासला या चारही धरणांच्या पाणलोट क्षेत्रात झालेल्या मुसळधार पावसामुळे, आज मंगळवारी (१५ जुलै) सकाळी ६ वाजेपर्यंत एकूण पाणीसाठा २१.६२ टीएमसी, म्हणजेच ७४.१६ टक्के इतका झाला आहे..मागील वर्षी याच दिवशी म्हणजे १५ जुलै २०२४ रोजी साठा केवळ १०.८० टीएमसी (३७.०५%) होता. यावर्षी जून महिन्यापासून पावसाने जोरदार हजेरी लावल्यामुळे धरण साठ्यात दुपटीने वाढ झाली आहे. खडकवासला धरणात मागील २४ तासांत अवघ्या ३ मिमी पावसाची नोंद झाली असून, सध्या जलपातळी ५८०.७१ मीटर आहे. एकूण साठा १.१८ टीएमसी (५९.५९%) असून, आतापर्यंत ५.०५ टीएमसी पाणी धरणाच्या सांडव्याद्वारे मुठा नदीपात्रात सोडण्यात आले आहे. नवा उजवा मुठा कालवा सध्या ९० क्यूसेकने सुरू आहे..पानशेत धरणात २१ मिमी पाऊस झाला असून, जलपातळी ६३०.४१ मीटर आहे. धरणात ७.८० टीएमसी (७३.२५%) साठा असून, मागील २४ तासांत १४७ दशलक्ष घनफूट पाण्याची आवक झाली आहे. वरसगाव धरणात २० मिमी पावसाची नोंद झाली असून, सध्या जलपातळी ६३४.७५ मीटर आहे. येथे १०.०९ टीएमसी (७८.६८%) साठा असून, १७३ दशलक्ष घनफूट नवीन पाण्याची आवक झाली आहे. .टेमघर धरणात मागील २४ तासांत सर्वाधिक ३६ मिमी पावसाची नोंद झाली आहे. सध्या पातळी ६९९.१० मीटर असून, साठा २.५६ टीएमसी (६८.९४%) आहे. यामध्ये ५६ दशलक्ष घनफूट इतकी नवीन आवक नोंदवली गेली आहे. दरम्यान, चारही धरणांमध्ये मिळून मागील २४ तासांत एकूण ३७६ दशलक्ष घनफूट पाण्याची आवक झाली आहे. पावसाचा हा जोर असाच कायम राहिल्यास येत्या काही दिवसांत धरण साखळी पूर्ण क्षमतेने भरू शकते, असा अंदाज व्यक्त करण्यात येत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.