Khadakwasla Dam Water Level : पुणेकरांची चिंता वाढली! खडकवासला धरणसाखळीत मागील वर्षाच्या तुलनेत 5.27 टीएमसी पाणी कमी, चारही धरणांत 23.05 टीएमसी साठा शिल्लक

खडकवासला : पुणे शहराला पाणीपुरवठा करणाऱ्या खडकवासला धरणसाखळीतील चारही धरणांत यंदा २३.०५ टीएमसी (७९.१० टक्के) पाणीसाठा शिल्लक (Pune dam water storage latest update 2026) आहे. गतवर्षी ५ नोव्हेंबरला याच धरणसाखळीत २८.३२ टीएमसी (९७.१५ टक्के) पाणीसाठा होता. त्यामुळे यंदा गतवर्षीच्या तुलनेत ५.२७ टीएमसीने कमी पाणीसाठा आहे. टक्केवारीचा विचार करता यंदाचा साठा १८.०५ टक्क्यांनी कमी आहे.