पुण्यातील उच्चभ्रू खराडी परिसरात हाउस पार्टीच्या नावाखाली रेव्ह पार्टी सुरू होती. या पार्टीवर पोलिसांच्या गुन्हे शाखेनं धाड टाकत कारवाई केली. एका आलिशान फ्लॅटमध्ये शनिवारी मध्यरात्री ही पार्टी सुरू होती. पोलिसांनी केलेल्या कारवाईत मोठ्या प्रमाणावर अमली पदार्थ, दारू आणि हुक्का जप्त करण्यात आलाय. तर ३ महिला आणि २ पुरुषांनाही ताब्यात घेतलं आहे. पोलिसांच्या या कारवाईमुळे पुण्यात खळबळ उडाली आहे.