नाताळनिमित्त ‘किड्‌स आयडॉल २०१९’

पुणे - लहानपणापासूनच मुलांना चित्रपटातील गाणी व नृत्याचे आकर्षण असते. त्यामुळे तुमच्या मुलांमधील या कलागुणांना वाव देण्यासाठी ‘सकाळ यंग बझ’ आता व्यासपीठ उपलब्ध करून देणार आहे. गेली १० वर्षे ‘किड्‌स आयडॉल’ हा उपक्रम ‘यंग बझ’तर्फे राबविला जात असून, त्याची नोंदणी गुरुवार सुरू झाली आहे.

ताज्या बातम्यांसाठी डाऊनलोड करा ई-सकाळच ऍप

दोन ते सोळा वयोगटातील मुला-मुलींसाठी होणाऱ्या ‘किड्‌स आयडॉल २०१९’ या नृत्य स्पर्धेची अंतिम फेरी २५ डिसेंबर रोजी होणार आहे. सोलो डान्स व फॅन्सी ड्रेस असे स्पर्धेचे स्वरूप असेल. वयोगटानुसार ग्रुप तयार केले आहेत. सोलो डान्स स्पर्धा ‘अ’ ते ‘क’ या गटांत विभागली आहे. ‘अ’ गटात बालवाडी ते दुसरी, ‘ब’ गटात चौथी ते सहावी, ‘क’ गटात सातवी ते दहावीतील विद्यार्थ्यांचा समावेश असेल. त्याचबरोबर फॅन्सी ड्रेस स्पर्धेची ‘अ’ गटात बालवाडी ते दुसरी व ‘ब’ गटात तिसरी ते पाचवी, अशी विभागणी केली आहे. स्पर्धेत ‘आयटम साँग्स’ ग्राह्य धरणार नाहीत. सहभागी स्पर्धकाला प्रमाणपत्र देणार आहे.