काळी जादू,करणी झाल्याचे सांगत पावने तीन लाख उकळले; एकास अटक

काळी जादू,करणी झाल्याचे सांगत पावने तीन लाख उकळले; एकास अटक

पुणे, - घरावर काळी जादू व करणी असल्याचे सांगुन त्यावरील उपायासाठी जादूटोणा करीत एका नागरीकाची  तब्बल पावणे तीन लाख रूपयांची आर्थिक फसवणुक केल्याचा प्रकार उघडकीस आला आहे. याप्रकरणी कोंढवा पोलिस ठाण्यात जादूटोणा प्रतिबंधक कायद्यानुसार गुन्हा दाखल करीत एकास अटक केली.

नईम मुस्तकीन सिद्दकी (वय 48, रा. जीवनबाग, मुंब्रा) असे गुन्हा दाखल झालेल्या 
व्यक्तीचे नाव आहे. याप्रकरणी कोंढवा खुर्द येथील एका 32 वर्षीय व्यक्तीने फिर्याद दिली आहे. नईम याने अशाप्रकारे अनेकांची फसवणूक केली असून, जुन्नर येथील काही नागरिक तक्रार करण्यात आली आहे. न्यायालयाने आरोपीला दोन दिवसाची पोलिस कोठडी सुनावली आहे.  

पोलिसांनी दिलेल्या माहितीनुसार, फिर्यादीची पत्नी काही वर्षापासून आजारी आहे. त्यांच्यावर विविध रुग्णालयात उपचार करुनही त्यांना बरे वाटत नव्हते. दरम्यान फिर्यादीला ओळखीच्या लोकांकडुन नईमबद्दल माहिती मिळाली होती. त्यानुसार दिवाळीच्या सुमारास नईम फिर्यादींच्या घरी आला. त्यानंतर त्याने नारळ फोडून उपाय सुरू केले होते.  त्यावेळी नाराळामध्ये केस, लाल कपडे, लिंबू अशा गोष्टी निघाल्या. त्यानंतर  नईमने तुमच्या घरावर कोणी तरी काळी जादू, करणी केली असल्याचे सांगत फिर्यादीला आपल्या जाळ्यात ओढले.

त्यावर उपाय म्हणून हरणाची कस्तूरी, मातीची भांडी, सात प्रकारचे धान्य, लिंबू, अगरबत्ती अशा 15 प्रकारचे साहित्य लागेल असे सांगितले. हरणाच्या एक तोळे कस्तुरीसाठी 35 हजार रुपये लागतील, असे सांगितले. कस्तुरीसाठी एक लाख पाच हजार रुपये, पूजेसाठी 40 हजार रूपये घेतले. फिर्यादी यांच्याकडून नईमने एकूण दोन लाख 70 हजार रूपये घेतले.  त्यानंतर आणखी दोन कस्तुरी लागतील, असे सांगितले. त्यामुळे फिर्यादीला संशय आला. ही पूजा केली तरी काहीच फरक पडला नाही.  त्यानंतर आपली फसवणूक झाल्याचे लक्षात येताच त्यांनी पोलिसांकडे धाव घेऊन फिर्याद दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com