- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पुणे - वनाज ते रामवाडी आणि निगडी ते शिवाजीनगर या मार्गांवर मेट्रो प्रकल्पाचे काम सुरू आहे. परंतु, सरकारी संस्थांच्या अनास्थेमुळे या कामात अडथळे येत आहेत. या दोन्ही मार्गांवर काही ठिकाणी भूसंपादन रखडल्याने ‘महामेट्रो’ला विविध अडचणींना सामोरे जावे लागत आहे.
केंद्रीय मंत्री प्रकाश जावडेकर यांच्या अध्यक्षतेखाली ‘दिशा कमिटी’ची बैठक झाली. खडकीजवळील महामार्गाचे विस्तारीकरण होत नसल्याने मेट्राचे ९०० मीटर लांबीचे काम रखडले आहे. हा विषय पुणे महापालिका आणि संरक्षण मंत्रालयाच्या मंजुरीअभावी प्रलंबित असल्याचे महामेट्रोकडून सांगण्यात आले.
कामगार पुतळा व राजीव गांधीनगर ८०० मीटर लांबीचे काम रखडले आहे. कामगार पुतळा परिसरात ८४ व राजीव गांधीनगर येथील १२७ प्रकल्पग्रस्तांचे पुनर्वसन होणे बाकी आहे. हा विषय मार्गी लावण्यासाठी एसआरए, पुणे महापालिका आणि जिल्हाधिकाऱ्यांकडे पाठपुरावा सुरू आहे. मेट्रोच्या मंडई स्टेशनसाठी लंकेवाडा व पीडीसीसी बॅंक या प्रकल्पग्रस्तांच्या पुनर्वसनाचा विषय महापालिकेकडे मंजुरीसाठी पाठविण्यात आला आहे.
नगर रस्त्यावरील दोन ठिकाणी आवश्‍यक ती जागा उपलब्ध होत नाही. त्यामुळे ३०० मीटर लांबीचे काम रखडले आहे. मालकी हक्काच्या वादामुळे हे प्रकरण उच्च न्यायालयात प्रलंबित आहे. मेट्राचे काम लवकर पूर्ण होण्यासाठी हे भूसंपादनाचे विषय तत्काळ मार्गी लागणे आवश्‍यक असल्याचे महामेट्रोच्या वतीने सांगण्यात आले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.