पुणे : आंबेगाव तालुक्यातील माळीणअंतर्गत येणाऱ्या पसारवाडीत सोमवारी पहाटे दरड कोसळली. सुदैवाने, कुठलीही जीवितहानी झाली नाही, असे जिल्हा प्रशासनाने स्पष्ट केले. पसारवाडीतील ३४ कुटुंबीयांचे लवकरच पुनर्वसन करण्यात येईल, असेही सांगण्यात आले. .सोमवारी पहाटे साडेपाचच्या सुमारास ही घटना घडली. त्यामुळे पुनर्वसनासाठी तयार केलेल्या कच्च्या रस्त्यामुळे जमीन खचून रस्ता पश्चिम बाजूला ढासळलेला आहे. दरडग्रस्त रस्ता प्रशासनाकडून तात्पुरता बंद केला आहे. या मार्गालगत तीन घरे आहेत. या घरांमध्ये राहणाऱ्या चार रहिवाशांची गावातील समाज मंदिरामध्ये पर्यायी व्यवस्था केली आहे. तसेच, त्या कुटुंबांना तीन महिन्यांचे आगाऊ धान्यही पुरविले आहे. डबर व माती हटविण्याचे काम युद्धपातळीवर सुरू असून रस्ता वाहतुकीसाठी सुरू केला आहे..या रस्त्यालगत सीमाभिंत बांधणे आवश्यक आहे. सार्वजनिक बांधकाम विभागाच्या उपविभागीय अभियंत्याने गॅबियन स्ट्रक्चर प्रस्तावित केले आहे. मात्र, सद्यःस्थितीत पावसाचा जोर आहे. त्यामुळे पावसाचा प्रभाव कमी झाल्यावर काम सुरू करू, असेही प्रशासनाने सांगितले आहे..पसारवाडीत ३४ कुटुंबे राहण्यास आहेत. ही घरे दरड प्रवण क्षेत्रात येत असल्यामुळे ‘जिऑलॉजिकल सर्व्हे ऑफ इंडिया’कडून यापूर्वी सर्वेक्षण केले होते. त्यांचे सुरक्षितस्थळी पुनर्वसन करण्यासाठी ८० गुंठे जमीन संपादित केली आहे. तेथे भूखंड आखून त्यांच्या वाटपाची योजना प्रशासनाने आखली आहे. या भूखंडांचे वाटप २६ जूनला करण्याचे नियोजन आहे. तसेच, आंबेगाव पंचायत समितीने घरकुल प्रस्तावही मंजूर केल्याचे प्रभारी निवासी उपजिल्हाधिकारी नामदेव टिळेकर यांनी पत्रकाद्वारे कळविले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
