आळंदी (पुणे) : आळंदी (ता. खेड) येथे तीन दिवसांत कोरोनाने कहर केला आहे. तब्बल 59 रुग्ण आढळले आहेत. तर, बुधवारी एकाचा मृत्यू झाला. प्रशासनाकडून प्रभावी उपाययोजना नाहीत आणि नागरिकांमधील बेशिस्तपणाच कोरोनाच्या रुग्णवाढीस कारणीभूत ठरत असल्याचे चित्र आहे. कोरोना रोखण्याबाबत पालिका आणि आरोग्य प्रशासनाच्या मर्यादा उघड्या पडल्या. आजपर्यंत दहा जण दगावले. तर, एकशे बारा रुग्ण उपचार घेत आहेत.
पुण्याच्या इतर बातम्या वाचण्यासाठी येथे क्लिक करा
आळंदीत सोमवारी (ता. 7) 19, मंगळवारी (ता. 8) 22 आणि बुधवारी (ता. 9) 30 रुग्ण आढळले. 359 रुग्ण बरे होऊन घरी परतले. बरे होण्याचे प्रमाण जादा असले, तरी रोज वाढणाऱ्या रुग्णांच्या आकडेवारीने आळंदीकरांच्या मनात धडकी भरली आहे. आळंदीचे भौगोलिक क्षेत्र छोटे असूनही रुग्णांचे प्रमाण कमी होईना. त्यात नागरिकही नियम पाळत नाही. अनेकजण मास्क न लावताच घराबाहेर पडत आहे. महिलांपेक्षा पुरुषांचे प्रमाण नियम तोडण्यात अधिक आहे. भाजीमंडईत विक्रेते कोणत्याही प्रकारचे मास्क घालत नाहीत.
किराणा दुकान आणि व्यापारी रात्री उशिरापर्यंत दुकान उघडे ठेवतात. किराणा घेण्यासाठी कोणतेही सोशल डिस्टन्स पाळले जात नाही. चहाच्या दुकानांमध्ये लोक गर्दी करतात. हॉटेल व्यावसायिक, मंगल कार्यालयात गर्दी करून लग्न लावले जाते. तरी पोलिस आणि पालिका प्रशासन त्यावर कारवाई करत नाहीत. कोरोनाचा रुग्ण आढळला तर त्याचे नातेवाईक घरात क्वारंटाइन होण्याऐवजी फिरत असतात. पालिका केवळ घरापुढे प्रतिबंधित क्षेत्राचा फलक लावतात. प्रतिष्ठित व्यक्ती नसेल, तर त्याच्या घराभोवती पत्र्याचे जाळे लावले जाते. पालिकेने लावलेला पत्रा आणि फलक काहीजण काढून टाकतात.
चावडी चौकात रुग्णांची संख्या वाढली. एकाच कुटुंबात पाच रुग्ण आहेत. मात्र, इतरत्र रुग्णांची संख्या ठराविक आहे. रुग्णांची आकडेवारी वाढण्याचे कारण की, आळंदी लगतच्या गावातील काही लोक स्वॅब नमुना देताना पत्ता आळंदीचाच सांगतात. यामुळे आकडेवारी जादा वाटते. आमच्याकडे यादी आल्यानंतर आम्ही रोजच्या रोज पडताळणी करून रुग्णाच्या घराचा परिसर सील करतो, असे पालिकेचे अधिकारी सचिन गायकवाड यांनी सांगितले.
कामगार वर्ग आणि शहराबाहेर काम करणाऱ्यांनी संसर्ग टाळण्यासाठी स्वतःला घरी आल्यावर रोजच्या रोज इतस्ततः न फिरता घरातच क्वारंटाइन होणे आवश्‍यक आहे.
- सचिन गायकवाड, अधिकारी, आळंद पालिका
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.