खडकवासला (पुणे) : उर्वरित शेतकऱ्यांची कर्जमाफीची शेवटची प्रक्रिया लवकरच पूर्ण होणार आहे. त्या शेतकऱ्यांना नवीन कर्ज देखील मंजूर होणार आहे. असे आश्वासन राज्याचे कृषिमंत्री दादासाहेब भुसे यांनी दिल्याची माहिती दिली. शिवसेनेचे जिल्हा प्रमुख रमेश कोंडे यांनी सांगितले.
- पुण्याच्या बातम्या वाचण्यासाठी येथे ► क्लिक करा
कृषिमंत्री दादासाहेब भुसे यांची जिल्हाप्रमुख रमेश कोंडे, खडकवासला मतदार संघाचे प्रमुख नितीन वाघ, युवा सेना जिल्हा अधिकारी सचिन पासलकर, सुनील पायगुडे यांचेसह भेट घेतली. हवेली तालुक्यातील शेतकऱ्यांना मागील वर्षी अतिवृष्टीमुळे व चालू वर्षी गारपिटीमुळे झालेल्या नुकसान भरपाईचे अद्याप वाटप झालेले नाही. या संदर्भात देखील चर्चा केली.
हवेली तालुक्यातील खडकवासला मतदार संघातील अनेक शेतकऱ्यांची अद्याप कर्जमाफी जाहीर झालेली नाही. त्याची रक्कम बँकेत अद्याप जमा झालेली नाही. त्यामुळे त्यांचे नवीन कर्ज मंजूर झालेले नाही. यावर मंत्री महोदयांनी सांगितले कि उर्वरित शेतकऱ्यांची कर्जमाफी प्रक्रिया लवकरच पूर्ण होईल व त्यांना नवीन कर्ज मंजूर होतील. तसेच कृषी विभागाच्या शेतकऱ्यांसाठी अनुदान योजनेचे प्रस्ताव जमा करण्याची प्रक्रिया लवकरच सुरु करीत आहोत. अशी माहिती कोंडे यांनी यावेळी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.