दस्त मिळत नसल्याने वकील झाले त्रस्त

ऑनलाइन दस्त डाऊनलोड करण्यात तांत्रिक अडचणीमुळे अडथळा निर्माण होत आहे. सक्षम यंत्रणा नसल्याने वेळेवर दस्त मिळत नसल्याने वकील आणि पक्षकारांना सहन करावा लागत आहे.
Stamp
StampSakal

पुणे - ऑनलाइन दस्त डाऊनलोड करण्यात तांत्रिक अडचणीमुळे अडथळा निर्माण होत आहे. सक्षम यंत्रणा नसल्याने वेळेवर दस्त मिळत नसल्याने वकील आणि पक्षकारांना सहन करावा लागत आहे. त्यामुळे दस्त डाऊनलोड होण्यास येणाऱ्या समस्या दूर कराव्या, अशी मागणी पुणे बार असोसिएशनच्या सदस्यांनी नोंदणी महानिरीक्षकांकडे केली आहे.

स्थावर मालमत्तेची खरेदी करण्यापूर्वी शोध व शीर्षक अहवाल घेतला जातो. हा अहवाल घेण्यासाठी मिळकतीचे पूर्वी नोंदणी झालेले दस्त बघितले जाते. त्यानंतर दस्तांची प्रत नक्कल शुल्क भरून शासनाच्या अधिकृत संकेतस्थळावर मिळते. मात्र, सध्या शहरात कोरोनाचा प्रादुर्भाव वाढत आहे. त्यामुळे दुय्यम निबंधक कार्यालयात गर्दी टाळण्याच्या उद्देशाने पूर्वी नोंदणी झालेल्या दस्तांची प्रत देणे तात्पुरते बंद केले आहे. त्यामुळे वकील, पक्षकारांना दस्तांची साक्षांकित प्रत मिळण्यासाठी www.igrmaharashtra.gov.in या संकेतस्थळावर अवलंबून राहावे लागत आहे. गेल्या १५ दिवसांपासून या संकेतस्थळाच्या सर्व्हरमध्ये बिघाड झाल्याने प्रत डाऊनलोड करताना अडचणी येत असल्याचे पुणे बार असोसिएशनचे सदस्य अॅड. आनंद धोत्रे यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com