पुणे - चालण्यास प्रोत्साहन देणे, खासगी वाहनांचा वापर कमी करणे व सार्वजनिक वाहतुकीस प्रोत्साहन देण्यासाठी पुणे महापालिका आणि पुणे मेट्रो यांच्यावतीने बुधवारी (ता. ११) लक्ष्मी रस्त्यावर पादचारी दिनाचे आयोजन केले आहे. .लक्ष्मी रस्त्यावरील लिंबराज महाराज चौक (नगरकर तालीम चौक) ते गरुड गणपती चौक या दरम्यान वाहनांना बंदी असणार आहे. तसेच सकाळी आठ ते रात्री आठ पर्यंत हा रस्ता ‘वाहन विरहित क्षेत्र’ असल्याने पुणेकरांना या रस्त्यावर मोकळा श्वास घेता येणार आहे..पादचारी दिन कार्यक्रमाच्या माध्यमातून नागरिकांना दैनंदिन कामांसाठी चालत जाणे, चालत मेट्रो स्थानक, बसथांबा गाठणे, कामावर, शाळा, महाविद्यालयात किंवा अन्य कामांसाठी वैयक्तिक वाहनांऐवजी सार्वजनिक वाहतुकीचा वापर करण्यासाठी प्रोत्साहन दिले जाते..पादचारी दिनानिमित्त लक्ष्मी रस्त्यावरील नगरकर तालीम चौक ते गरुड गणपती चौक या दरम्यान बुधवारी सर्व प्रकारच्या वाहनांसाठी रस्ता बंद ठेवण्यात येणार आहे. गरुड गणपती चौक ते कुंटे चौकापर्यंत ‘वाहन विरहित क्षेत्र’ असणार आहे. या ठिकाणी नागरिकांना पायी चालण्याचा आनंद घेता येणार आहे..मेट्रोच्यावतीने गरुड गणपती चौक ते विजय चित्रपटगृह चौक या दरम्यान इलेक्ट्रीक स्कूटरची व्यवस्था केलेली आहे. याबरोबरच विजय चित्रपटगृहाजवळ मेट्रोच्या प्रवासासाठी ‘व्हॉट्सॲप तिकीट बूथ’ ही उभारण्यात आले आहे, अशी माहिती पुणे मेट्रोच्यावतीने देण्यात आली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
