Pune Market Yard: कडक उन्हामुळे लिंबांच्या भावात तेजी; पुणे मार्केट यार्डमध्ये किरकोळ बाजारात ५ ते ७ रुपये भाव, आवक घटल्याचा परिणाम!

मार्केट यार्ड : उन्हाचा कडाका दिवसागणिक वाढत आहे. त्यामुळे बाजारात लिंबू चांगलेच भाव खात आहे. बाजारात लिंबांची आवक कमी झाली आहे. किरकोळ बाजारात एक लिंबू दर्जानुसार ५ ते ७ रुपयांना मिळत आहे. मागणीच्या तुलनेत आवक कमी होत असल्याने भाव तेजीत आहेत. घाऊक बाजारात दर्जानुसार एक गोणी ५०० ते १२०० रुपयांना विकली जात आहे.