निरगुडसर - आंबेगाव तालुक्यातील थोरांदळे गावाकडून घरी जात असताना कॅनॉलच्या जवळ रस्त्याच्या कडेला दबा धरून बसलेल्या बिबट्याने ६० वर्षीय ज्येष्ठावर हल्ला करून जखमी केल्याची घटना शुक्रवार (ता.२८) रोजी रात्री आठ ते साडेआठ वाजण्याच्या सुमारास घडली यामध्ये शिवलाल आत्माराम भाल तिलक हे जखमी झाले आहेत.
बुलढाणा जिल्ह्यातून रस्त्याच्या कामासाठी मजूर म्हणून काम करण्यासाठी आलेल्या शिवलाल आत्माराम भालतिलक हे थोरांदळे परिसरात राहतात शुक्रवारी ते भाजीपाला आणण्यासाठी गावात गेले होते,भाजीपाला घेऊन रात्रीच्या आठ ते साडेआठ वाजण्याच्या सुमारास घरी परत असताना घोड शाखेच्या कॅनॉल जवळ बिबट्या दबा धरून बसला होता.
यावेळी बिबट्याने हल्ला करून डोक्याच्या कपाळावर पंजा मारत जखमी केले.सुदैवाने या रस्त्यावरून दुचाकी चालक आल्याने बिबट्याने तेथून धूम ठोकली आणि ज्येष्ठांचा जीव वाचला.यामध्ये ते जखमी झाले आहेत. त्यानंतर त्यांना तातडीने मंचर उपजिल्हा रुग्णालयात उपचारासाठी दाखल करण्यात आले.
बिबट्याच्या हल्ल्यात जखमी झालेल्या ज्येष्ठाला सर्व लसी देण्यात आल्या आहेत.यावेळी मंचर वनपरीक्षेत्र अधिकारी विकास भोसले आणि वनपाल प्रदीप कासारे यांनी रुग्णालयात जाऊन जखमीची विचारपूस केली तसेच या परिसरात ग्रामस्थांच्या मागणी नुसार पिंजरा लावणार असल्याचे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.