पारगाव - रानमळा, ता. आंबेगाव येथे बिबट्याने रस्त्यावरून चाललेल्या मोटारसायकलवर हल्ला केल्याने प्रशांत अरूण रोकडे (वय ३४ वर्ष, रा. लोणी ता. आंबेगाव) यांच्या डाव्या पायावर हल्ला करून जखमी केले आहे..काल मंगळवारी सायंकाळी साडेसात वाजण्याच्या सुमारास मोटारसायकलवरून अक्षय अरूण रोकडे व प्रशांत अरूण रोकडे हे दोघे भाऊ लाईट फिटिंगचे काम करण्यासाठी लोणी वरून पोखरकरमळा ( वडगावपीर) येथे चालले होते. रानमळा गावाच्या हद्दीत भामची विहीर परिसरात मोटारसायकल आली असता..रस्त्याच्या कडेला दबा धरून बसलेल्या बिबट्याने मोटारसायकलवर मागे बसलेल्या प्रशांत अरूण रोकडे यांच्यावर झेप घेऊन हल्ला केला यामध्ये प्रशांत अरूण रोकडे यांच्या डाव्या पायावर हल्ला करून जखमी केले आहे. स्थानिक ग्रामस्थ व वनविभागाचे कर्मचारी यांनी प्रशांत रोकडे यांना तातडीने मंचर उपजिल्हा रुग्णालयात दाखल केले. सध्या त्यांची प्रकृती स्थिर असून त्यांच्यावर उपचार करून घरी सोडले आहे..बिबट्याला पकडण्यासाठी वनविभागाने बिबट्याने हल्ला केलेल्या ठिकाणी आज बुधवारी सकाळी तातडीने पिंजरा लावला असल्याची माहिती मंचर विभागाचे वनपरिक्षेत्र अधिकारी विकास भोसले यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
