राहू - राहू (ता. दौंड) येथील खेडेकर वस्ती नजीक (ता. १५) मध्यरात्री दीड वाजण्याच्या सुमारास साडेतीन वर्षाची बिबट्याची मादी जेरबंद करण्यात आली. अशी माहिती तालुका वनपरिक्षेत्र अधिकारी राहुल काळे, वनसंरक्षक गणेश म्हस्के यांनी 'सकाळ'ला दिली..वनविभागाने गेल्या चार दिवसापासून या परिसरात पिंजरा लावला होता मात्र बिबट्या त्याला हुलकावणी देत होता.राहू परिसरात अनेक वर्षांपासून बिबट्याचा वावर वाढल्याने येथील अनेक पाळीव प्राणी त्यांनी फस्त केले होते. तसेच नागरिकांमध्ये सुद्धा भीतीचे वातावरण आहे. वनविभागाने बिबट्याच्या मादीला ताब्यात घेऊन पुणे (बावधन) येथील रेस्क्यू टीमकडे त्याची वैद्यकीय तपासणी करण्यासाठी रवाना केला आहे. अशी माहिती वन विभागाच्या वतीने देण्यात आली..दौंड तालुक्यातील नदी पट्टयातुन बिबट्याचा वावर वाढला आहे, वन विभागाकडून देखील या बिबट्याना पकडण्यासाठी शर्थीने प्रयत्न सुरू आहे.दोन दिवसापूर्वी पिलानवाडी, डुबेवाडी परिसरात बिबट्याच्या हल्ल्यात शेळीचे करडू ठार झाले आहे. सोनवणे डेअरी फार्म परिसर, काळे वस्ती नजीक बिबट्याचे ठसे येथील नागरिकांना कायम दिसतात. उर्वरित धुमाकूळ घालणाऱ्या बिबट्यांना वनविभागाने तातडीने जेरबंद करण्यात यावी अशी मागणी येथील नागरिकांकडून होत आहे. धुमाकूळ घालणारे बिबट्याला जेर बंद करण्यास वन विभागाला अखेर यश आले आहे..वनपरिक्षेत्र अधिकारी राहुल काळे यांच्या मार्गदर्शनाखाली वन परिमंडल अधिकारी अंकुश खरात, वनरक्षक गणेश म्हस्के, वनसेवक भानुदास कोळपे, सुरेश पवार, तेजस ठाकर यांच्या पथकाने पिंजरा लावून बिबट्यास अखेर जेरबंद केले. रेस्क्यू टीम पुणे यांचे मोलाचे सहकार्य लाभले आहे. सदर बिबट्यास जेरबंद केल्यानंतर पुणे रेस्क्यू टिम सदर वन्य प्राण्यांची तपासणी करून त्यास नैसर्गिक अधिवासात सोडण्यात येणार असल्याचे वनविभागाकडून सांगण्यात आले..उर्वरित बिबट्यांना पण जेरबंद करा..ग्रामस्थांची वनविभागाकडे मागणी. दौंडच्या पश्चिम पट्ट्यात मुळा मुठा आणि भीमा नदीचे पात्र आहे. या परिसरात वन विभागाचे मोठे क्षेत्र आहे. उसासारखा बागायती पट्टा असल्याने बारमाही उसाचे पीक येथे असते त्यामुळे बिबट्या सदृश्य प्राण्यांना लपायला अधिक वाव मिळतो. उर्वरित बिबट्यांना पण तातडीने जेरबंद करण्यात यावी अशी मागणी यावेळी वनविभागाच्या अधिकाऱ्यांना करण्यात आली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
