पुणे - पावसाने (Rain) विश्रांती घेतल्याने शहरात आतापर्यंतच्या सरासरीपेक्षा (Average) कमी पाऊस पडल्याची नोंद हवामान खात्यात (Weather Department) झाली आहे. गेल्या तीन दिवसांपासून सरासरीच्या तुलनेतील पावसाची तूट वाढत असल्याचेही निरीक्षणही नोंदले आहे.
पुण्यात १ जून ते ११ ऑगस्ट दरम्यान ३७० मिलिमीटर सरासरी पावसाची नोंद होते. शहरात ७ ऑगस्टपर्यंत ३५९ मिलिमीटर पाऊस पडला होता. त्यानंतर पावसाने विश्रांती घेतली. त्यामुळे प्रत्येक दिवशी सरासरीच्या तुलनेत प्रत्यक्ष पडणाऱ्या पावसाची तूट वाढत गेली. ही तूट ८ ऑगस्टला २.२ मिलिमीटर होती. ती ११ ऑगस्टपर्यंत १०.८ मिलिमीटरपर्यंत वाढली असल्याची माहिती हवामान खात्यातर्फे देण्यात आली.
शहर आणि परिसरात पुढील दोन दिवस आकाश ढगाळ राहण्याची व पावसाच्या हलक्या सरी पडण्याची २५ ते ५० टक्के शक्यता असल्याचा अंदाज खात्यातर्फे वर्तविण्यात आला आहे.
राज्यात पावसाची दडी
राज्यात गेल्या काही दिवसांपासून पावसाने मारलेली दडी आणखी काही दिवस कायम राहण्याची शक्यता आहे. पावसाच्या उघडिपीने उन्हाचा चटका वाढला आहे. विदर्भ, मध्य महाराष्ट्रात ठिकाणी तापमान ३५ अंशांच्या पुढे गेले आहे. येत्या गुरुवारी (ता. १२) कोकणात काही ठिकाणी, तर उर्वरित राज्यात तुरळक ठिकाणी पावसाचा अंदाजही हवामान खात्याने वर्तविला.
बिहार आणि पश्चिम उत्तर प्रदेश आणि परिसरावर समुद्र सपाटीपासून ४.५ किलोमीटर उंचीवर चक्राकार वारे वाहत आहेत. नैर्ऋत्य राजस्थानातही चक्राकार वाऱ्यांची स्थिती कायम आहे. मॉन्सूनचे परीघ असलेल्या कमी दाबाचा पट्टा पंजाबच्या अमृतसरपासून अरुणाचल प्रदेशपर्यंत सक्रिय आहे. मॉन्सूनच्या परीघाचे पश्चिम टोक सर्वसाधारण स्थितीत आहे. तर पूर्व टोक हिमालयाच्या पायथ्याकडे गेले आहे. आंध्र प्रदेशच्या उत्तर किनारपट्टी ते बिहारच्या उत्तर दक्षिण दरम्यान कमी दाबाचा पट्टा सक्रिय होत असून, त्याचे चक्रीय वाऱ्यामध्ये रूपांतर होण्याची शक्यता आहे. हा पट्टा झारखंड व परिसर, ओडिसा या दरम्यान असून समुद्र सपाटीपासून १.५ किलोमीटर उंचीवर आहे. त्यामळे सध्या राज्यातील सर्वच भागांत पावसाने उसंत घेतली आहे.
कमाल तापमानाचा पारा सरासरीच्या तुलनेत चार अंश सेल्सिअसपर्यंत वाढला आहे. बुधवारी (ता. ११) संध्याकाळी साडेपाच वाजेपर्यंत सोलापूर येथे सर्वाधिक ३४.६ अंश सेल्सिअस तापमानाची नोंद झाली. तर विदर्भातील अनेक भागांत तापमान ३२ ते ३४ अंशांच्या दरम्यान होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
