देशातील तब्बल एवढ्या मुलांच्या रक्तातील शिशाची पातळी धोकादायक स्थितीत

पुणे - देशातील तब्बल २७ कोटी ५५ लाख मुलांच्या रक्तातील शिशाची पातळी धोकादायक स्थितीत आहे. एवढेच नाही तर, जगातील तीन पैकी एक मूल बाधित असल्याचे समोर आले आहे. ‘युनिसेफ’ आणि ‘प्युअर अर्थ’ या दोन संस्थांच्या संयुक्त अहवालातून ही बाब स्पष्ट झाली आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

रक्तातील शिशाचे प्रमाण पाच मायक्रोग्रॅम प्रती डेसिलिटरपेक्षा जास्त झाल्यास लहान मुलांच्या आरोग्यावर दुष्परिणाम होतात. शिसेयुक्त पदार्थांच्या संपर्कात आल्यामुळे मानवी रक्तातील शिशाची पातळी वाढते. शिशाची बाधा झाल्यामुळे जगातील ९० लाख लोकांना दरवर्षी प्राण गमवावे लागतात. लहान मुलांच्या आरोग्याच्या दृष्टीने महत्त्वपूर्ण असलेले रक्तातील शिशाचे प्रमाण तपासण्यासाठी युनिसेफतर्फे जगभरात सर्वेक्षण करण्यात आले. 

पिस्तुलाचा धाक दाखवत महिलेला जीवे मारण्याची दिली धमकी; जगताप, बऱ्हाटेविरुद्ध पाचवा गुन्हा दाखल!

चेतासंस्थेवर हल्ला -
- चेतापेशींमध्ये संदेश वाहनासाठी ‘कॅल्शिअम’ महत्त्वपूर्ण भूमिका बजावते.
- कॅल्शिअम न्यूरॉनमध्ये प्रवेश करत पुढल्या चेतापेशीला संदेश पोहोचवते
- शिसे कॅल्शिअमच्या अणूलाच प्रतिबंध करते, पर्यायाने चेतापेशींमधील संदेशवहन कमी होते
- यामुळे मानसिक आजारांमध्ये वाढ होते.

- Breaking : हॉटेल, लॉज, मॉल्सबाबत महापालिकेने घेतला महत्त्वाचा निर्णय; वाचा सविस्तर बातमी​

शिशाचे स्रोत 

• पिण्याचे पाणी वाहणाऱ्या नलिका
• खाणकाम, ॲसिड लेड बॅटरी
• कारखान्यांतून जमिनीतील पाण्यात मिसळलेले शिसे
• रासायनिक रंग, खनिज तेल,  खेळणी आणि दागिने
• मोबाईल, संगणक आदी इ-कचरा
• सौंदर्यप्रसाधने आणि इतर रासायनिक पदार्थ

उपाययोजना 

• शिसेयुक्त वस्तूंपासून लहान मुलांना दूर ठेवणे
• पाण्याची तपासणी करणे
• ई-वेस्टचे योग्य व्यवस्थापन
• रासायनिक रंग आणि पदार्थांचा काळजीपूर्वक वापर
• मुलांबरोबर पालकांनी योग्य ती खबरदारी घेणे गरजेचे

- पुण्यातील 'जम्बो हॉस्पिटल'चा श्रीगणेशा; १७ दिवसांत होणार हॉस्पिटलची उभारणी!​

शिसाचे लहान मुलांवरील दुष्परिणाम 
कान 

• ऐकू कमी येते
• शरीराचा तोल ढासळतो

तोंड 

• बोलताना अडखळणे
• हिरड्यांवर व्रण
• अयोग्य पदार्थ आवडतात

सामान्य 

• आळस
• थकवा
• कणकण

नवजातांमध्ये विषबाधा

• अकाली जन्म
• जन्मावेळी वजन कमी
• शारीरिक वाढीची गती मंदावते

त्वचा फिकी पडते

केंद्रीय चेता संस्था

• डोकेदुखी
• वाढ खुंटणे
• आकलनक्षमता कमी
• चिडचिड वाढणे
• आक्रमकता वाढणे
• दुर्लक्ष  मंदपणा
• अव्यवस्थितपणा

पचनसंस्था 

• वजन कमी होणे
• रक्तक्षय
• भूक न लागणे
• मळमळ व उलटी
• बद्धकोष्ठता
• पोटशूळ, अतिसार

शरीर 

• समन्वय गमावणे
• थकवा
• ‘कोमा’ची अवस्था

Edited By - Prashant Patil