उरुळी कांचन - चारित्र्याच्या संशयावरून पत्नीवर धारदार हत्याराने वार करून ६ वर्षाच्या मुलाचा खून करणाऱ्यास जिल्हा व सत्र न्यायालयाने जन्मठेप व २५ हजार रुपये दंड आणि दंड न भरल्यास सहा महिने साधा कारावासाची शिक्षा सुनावली..योगेश परसराम बसेरे, (रा. पठारे वस्ती, कदमवाकवस्ती, ता. हवेली, जि. पुणे मूळ रा. जुने शहर पोलिस चौकीजवळ, अकोला, जि. अकोला) असे न्यायालयाने शिक्षा सुनावलेल्या चे नाव आहे. आयुष योगेश बसेरे (वय ६ वर्षे) असे खून झालेल्या मुलाचे नाव आहे. याबाबत गौरी योगेश बसेरे यांनी लोणी काळभोर पोलिस ठाण्यात तक्रार दिली होती..यासंदर्भात हकीकत अशी की, आरोपी योगेश बसेरे हा आपली पत्नी गौरी उर्फ किरण यांना चारित्र्याचा संशय घेवून मानसिक व शारीरीक त्रास देत होता. या त्रासाला कंटाळून गौरी या मुलास घेवून माहेरी रहात होत्या. योगेशने १३ जून २०१९ रोजी रात्री ११ वाजता पत्नी गौरी यांना भेटण्यासाठी कदमवाकवस्ती येथील तुळजाभवानी मंदिरासमोर बोलवले. त्या तेथे आल्यानंतर जिवे मारण्याच्या उद्देशाने त्यांच्यावर धारदार शस्त्राने वार करण्यास सुरूवात केली. यावेळी त्याने सहा वर्षाचा मुलगा आयुष याच्यावरही वार केले. तसेच स्वत:वर वार करून आत्महत्या करण्याचा प्रयत्न केला. या हल्ल्यात नवरा बायको गंभीर जखमी झाले, मात्र मुलगा आयुष हा गंभीर जखमी झाल्याने त्याचा मृत्यू झाला..या घटनेचा तपास लोणी काळभोर पोलिस ठाण्याचे सहाय्यक पोलिस निरीक्षक राजू महानोर यांनी करून सबळ पुराव्यानिशी न्यायालयात दोषारोपपत्र सादर केले. जिल्हा व सत्र न्यायालयाने जन्मठेप व २५ हजार रुपये दंड आणि दंड न भरल्यास सहा महिने साधा कारावासाची शिक्षा सुनावली..सहाय्यक सरकारी वकील नामदेव तरळगट्टी यांनी न्यायालयात सरकारची बाजू मांडली. योग्य प्रकारे तपास केल्याबद्दल परिमंडळ ५ चे पोलीस उप आयुक्त डॉ. राजकुमार शिंदे यांनी तपासी अधिकारी राजू महानोर व ललिता कानवडे यांना प्रोत्साहन म्हणून १० हजार रुपये बक्षिस जाहीर केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
