ग्राहकांनो, आता लाईटबिल भरा घरबसल्या; वाचा कसे?

पुणे : महावितरणच्या अभियंता व कर्मचाऱ्यांनी सध्या सुरु असलेल्या लॉकडाऊनमध्ये वीजपुरवठा सुरळीत ठेवण्यासोबतच स्वतःच्या आरोग्याची देखील काळजी घ्यावी, असे आवाहन प्रभारी प्रादेशिक संचालक अंकुश नाळे यांनी केले. 

ताज्या बातम्यांसाठी डाऊनलोड करा ई-सकाळचे ऍप

प्रादेशिक संचालक पदाचा प्रभार स्वीकारल्यानंतर नाळे यांनी व्हीडीओ कॉन्फरसिंगद्वारे पुणे, सोलापूर, सातारा, कोल्हापूर व सांगली जिल्ह्यातील महावितरणचे मंडल, विभाग, उपविभाग व शाखा कार्यालयातील सुमारे 1100 अभियंते, अधिकारी, कर्मचारी तसेच विविध कर्मचारी संघटनांच्या पदाधिकाऱ्यांशी थेट संवाद साधला. त्यावेळी त्यांनी हे आवाहन केले. 

कोरोनाशी संबंधित पुण्याच्या बातम्या वाचण्यासाठी येथे ► क्लिक करा

नाळे म्हणाले, "पश्‍चिम महाराष्ट्रात वादळी पावसामुळे किंवा वीजयंत्रणेतील तांत्रिक बिघाडामुळे काही ठिकाणी वीजपुरवठा खंडित झाला होता. लॉकडाऊनमुळे काही मर्यादा असतानाही तो पूर्ववत करण्यासाठी अभियंते व कर्मचाऱ्यांनी युद्धपातळीवर केलेली कामे प्रशंसनीय आहे. कोरोना विषाणूच्या पार्श्वभूमीवर वीजपुरवठा सुरळीत ठेवण्यासाठी प्रत्येक अभियंता व कर्मचारी तत्परतेने करीत असलेली कामे कौतुकास्पद आहे. मात्र यासोबतच अभियंता, कर्मचाऱ्यांनी स्वतःच्या आरोग्याची योग्य काळजी घ्यावी.'' 

पुणेकरांसाठी अत्यंत महत्त्वाची बातमी; शहराचा 20 टक्के भाग आता होणार खुला

वीजग्राहकांना आवाहन करताना नाळे म्हणाले," लॉकडाऊनमध्ये वीजग्राहकांनी घरात राहून स्वतःची काळजी घ्यावी, तसेच वीजबिलांचा ऑनलाईनद्वारे भरणा करून महावितरणला सहकार्य करावे. त्यासाठी महावितरणच्या www.mahadiscom.in या वेबसाईटवर व मोबाईल ऍपवर ग्राहकांना वीजबिल पाहण्यासाठी व भरण्यासाठी उपलब्ध करून देण्यात आले आहे. तसेच रजिस्टर्ड केलेल्या मोबाईल क्रमांकांवर वीजबिलाचा एसएमएस व रकमेचा भरणा करण्यासाठी लिंक पाठविण्यात येत आहे. या लिंकद्वारे ग्राहकांना त्यांच्या वीजबिलाची रक्कम भरण्याची थेट सोय आहे.''