पुणे : राज्य सरकारच्या आदेशानंतर सोमवारी मद्यविक्रीची दुकाने सुरु झाली. त्यानंतर शेकडो मद्यपींनी शहरात असलेल्या संचार मनाई आदेशाचे उल्लंघन करीत दुकानांबाहेर रांगा लावल्याची खुद्द पोलिस आयुक्तांनी गांभीर्याने दखल घेतली. तसेच मद्य विक्रेते व मद्यपींनी सूचनांचे पालन न केल्यास त्यांच्यावर कायदेशीर कारवाई करण्याचा 'खाकी' दम भरला आहे.
केंद्र व राज्य सरकारने दिलेल्या आदेशानंतर सोमवारपासून सर्व दुकाने व मद्यविक्रीची दुकाने सुरु झाली. त्यामुळे मद्यपींनी सकाळी सात वाजल्यापासूनच शहराच्या वेगवेगळ्या भागातील वाईन शॉप, देशी दारूच्या दुकानाबाहेर अक्षरशः रांगा लावल्या. काही अपवाद वगळता सर्व ठिकाणी सोशल डिस्टन्सिंग न पाळणे, मास्क न वापरणे, वाहनांचा वापर करणे अशाप्रकारे मद्यपींनी तर दुकानदारांनी मास्क व सॅनिटायझर न वापरणे अशाप्रकारे संचार मनाई आदेशाचे उल्लंघन केले. तर काही ठिकाणी मोठी गर्दी झाली होती, गर्दीमुळे वादावादी झाल्याने अखेर पोलिसांनी मद्यपींवर सौम्य लाठीमार करत दुकाने बंद केली.
पुण्याच्या बातम्या वाचण्यासाठी येथे ► क्लिक करा
दरम्यान, हा प्रकार पोलिस आयुक्त डॉ. के. वेंकटेशम यांच्यापर्यंत पोचला. त्यांनी या प्रकाराची गांभीर्याने दखल घेत कारवाईचा बडगा उगारण्याचा सज्जड दम भरला. तसेच स्वतंत्र नियमावली जाहीर केली. त्याबाबत त्यांनी ट्वीटही केले.
पुण्याच्या बातम्या वाचण्यासाठी येथे ► क्लिक करा
काय म्हणाले पोलिस आयुक्त?
- दुकानासमोर गर्दी झाल्यास त्याची जबाबदारी संबंधित दुकानदारावर ठेवून त्याच्यावर कारवाई करणार.
- मद्यपींनी दारु खरेदीसाठी घराजवळच्या वाईन शॉपमध्ये पायी चालत जावे
- कोणत्याही प्रकारे वाहन वापरल्यास ते वाहन जप्त केले जाणार
- वाहन चालकांकडून सिक्युरिटी बाँड म्हणून अडीच हजार रुपये घेतले जाणार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.