विश्रांतवाडी - येरवडा येथे दारू उधार देण्यास नकार दिल्याने एक जणाने दारूच्या दुकानात तोडफोड केली. यात एक कामगार धारदार शस्त्र लागल्याने गंभीर जखमी झाला..या घटनेत रविवारी रात्री नऊ वाजण्याच्या सुमारास रोहित पिल्ले (वय अंदाजे 27 वर्षे रा. जयजवाननगर, लक्ष्मीनगर, येरवडा) याने येरवडा येथील सादलबाबा चौकाजवळील एम. एस. वाईन्स दुकानात येऊन उधार दारू मागितली..दुकानमालकाने उधारीस नकार दिल्याने पिल्ले याने दमदाटी करून, त्याचेकडील लोखंडी सत्तूरने दुकानातील काचेच्या सेल्फवर मारून काच फोडली. तसेच लोखंडी सत्तूर दुकानात फेकून मारला. तो सत्तूर दुकानातील कामगार करण संतोष आहुजा (वय 28 वर्षे, रा. विश्रांतवाडी, पुणे) याच्या तोंडावर लागून तो गंभीर जखमी झाला..या प्रकरणी श्रीकांत तानाजी राजगुरू (वय 38 वर्षे, धंदा नोकरी, रा.27, आझाद आळी, जैन मंदिराशेजारी, येरवडा गावठाण, पुणे 4) यांनी फिर्याद दिली आहे. आरोपीला अटक करण्यात आली असून येरवडा पोलीस ठाण्याचे सहा. पोलीस निरीक्षक मिथुन सावंत अधिक तपास करीत आहेत, अशी माहिती वरिष्ठ पोलीस निरीक्षक रवींद्र शेळके यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
