मराठीच्या रक्षणाचे आमचे साहित्य वेगळे | Sakal
sakal

बोलून बातमी शोधा

Raj Thakeray

मराठीच्या रक्षणाचे आमचे साहित्य वेगळे

पुणे: आम्ही देखील साहित्य प्रेमी आहे, परंतु आमची साहित्ये जरा वेगळी आहेत. तुमची साहित्य वाचण्यासाठी असतात. आमची न परवडणारी असतात. मराठी साहित्यात असे योगदान आम्ही देऊ शकत नाही, पण मराठीच्या रक्षणासाठी आमची ही साहित्ये नेहमीच तयार आहेत, अशी मिस्कील टोलेबाजी मनसे अध्यक्ष राज ठाकरे यांनी केली.

हेही वाचा: Pune Corporation Election: निवडणुकीची सूत्रे राजेश पांडे यांच्याकडे

नवी पेठेतील एस.एम.जोशी सभागृहात पुण्यभूषण सर्वोत्तम दिवाळी अंक पुरस्कार सोहळ्यात ठाकरे बोलत होते. यावेळी अखिल भारतीय मराठी साहित्य संमेलनाच्या माजी अध्यक्ष डॉ. अरुणा ढेरे, फाउंडेशनचे अध्यक्ष डॉ. सतीश देसाई, कार्याध्यक्ष संजय जोशी, सौरभ गाडगीळ आदी उपस्थित होते. यावेळी दाजीकाका गाडगीळ स्मरणार्थ पुण्यभूषण सर्वोत्तम दिवाळी अंक पुरस्कार ‘दीपावली’ दिवाळी अंकाला प्रदान करण्यात आला. संपादक अशोक कोठावळे यांनी तो स्वीकारला. तसेच दिवाळी अंकातील उत्कृष्ट वैचारिक लेखन पुरस्कार विश्वास पाटील, कथेसाठी संतोष वरधाव, कवितेसाठी किशोर कदम यांना पुरस्काराने सन्मानित करण्यात आले. ठाकरे म्हणाले, ‘‘आपल्या भाषेबद्दल आपण आग्रही असायला हवे. दक्षिणेतील इंग्रजी भाषेत शिकणाऱ्या मुलांचे पालकही त्यांच्या मातृभाषेचा अभिमान आहे. महाराष्ट्रातही साहित्यिकांनी या समाजावर संस्कार करावे. मराठीबद्दल समाजाची ओढ वाढवावी, ती वृद्धिंगत करावी.’’

हेही वाचा: Pune Corporation Election: निवडणुकीची सूत्रे राजेश पांडे यांच्याकडे

लॉकडाउनमुळे झालेल्या सांस्कृतिक उपवासाचे पारणं अशा रसरशीत कार्यक्रमाने होत असल्याची भावना व्यक्त करत डॉ. ढेरे म्हणाल्या,‘‘दिवाळी अंकांचे कुतूहल आणि प्रभाव कमी होतो का काय अशी स्थिती होती. सुरवाती पासूनच लोकांच्या मनाची पकड घेणारे दिवाळी अंकात तालेवार लेखक भेटायचे. दिवाळी अंकामुळे लेखकांबरोबरच उत्तम संपादकांची फळी निर्माण झाली. मराठी ललित गद्य दिवाळी अंकातून प्रतिष्ठित झाले. मराठीच्या अभिरुचीची घडण वाचकांनी केली आणि त्यांची ऋची दिवाळी अंकातून उभी राहिली. या पुरस्कारामुळे मराठी सृजनशीलतेचा सन्मान झाला आहे.’’

पहिले व्यंगचित्र मार्मिकमध्ये..

माझ्या व्यंग्यचित्राची सुरवात मार्मिकच्या दिवाळी अंकातून झाल्याचे ठाकरे यांनी सांगितले. आजच्या आईवडिलांनीही मुलांना दिवाळी अंक वाचायला लावलं पाहिजे. समाजमाध्यमांमुळे आज सर्वच लोक गोंधळे असली तरी दिवाळी अंकाचे वेगळेपण आहे. दिवाळी अंकामुळे वाचनाची आवड आणि जिभेला वळण लागले आहे, असेही ठाकरे म्हणाले.

Web Title: Literature Protection Marathi Different

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top