बिबवेवाडी - बारामती, शिरूर आणि पुण्यातील खासदार निवडण्यासाठी बिबवेवाडीतील मतदारांचीही गरज भासणार आहे. या तिन्ही लोकसभा मतदारसंघांसाठी येथील १०२ बूथमधील एक लाखांहून अधिक मतदार मतदानाचा हक्क दोन टप्प्यांत बजावणार आहेत. त्यामुळे बिबवेवाडीतील ‘गोल्डन ट्रॅंगल’ कोणाला भावणार, हे २३ मे रोजीच उघड होणार आहे.
बिबवेवाडी गावठाण व परिसर लोकसभेच्या तिन्ही मतदारसंघांत विभागला आहे. पुणे लोकसभा मतदारसंघातील बिबवेवाडी गावठाणासह अप्पर इंदिरानगरचा भाग येतो. त्याचे एकूण ७२ बूथ आहेत. बारामती मतदारसंघात अप्पर इंदिरानगर व सुखसागरनगरचा भाग येत असून, तेथे एकूण २१ बूथ आहेत. शिरूर लोकसभा मतदारसंघात सुखसगारनगरचा भाग येतो. त्याचे ९ बूथ आहेत. त्यामुळे तिन्ही लोकसभा मतदारसंघातील उमेदवार, कार्यकर्त्यांची रेलचेल बिवेवाडीत सुरू आहे. बूथनुसार बिबवेवाडीतील ७५ हजार मतदार पुण्यासाठी, तर २१ हजार मतदार बारामतीसाठी, तर शिरूरसाठी नऊ हजार मतदार मतदान करतील. बिबवेवाडी परिसरातील अप्पर, सुप्परचा भाग अतिसंवेदनशील भाग म्हणून परिचित आहे. त्यामुळे तेथे सुमारे १५० पोलिसांचा कडेकोट पोलिस बंदोबस्त आहे. बिबवेवाडी परिसरातील गुन्हेगार प्रवृत्तीच्या लोकांवर कारवाई केलेली असून, संवेदनशील भागांमध्ये रूट मार्च करण्यात आला आहे, असे बिबवेवाडी पोलिस ठाण्याचे निरीक्षक मुरलीधर कराळे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.