सातगाव पठार : भावडी, (ता.आंबेगाव) येथील नलिनी शिवाजी नवले यांच्या शेतात असलेल्या शेततळ्याचा कागद गुरुवारी (ता. ९) रात्री अज्ञात व्यक्तीने कापला तसेच मोटारीची दोरी देखील या अज्ञात व्यक्तीने कापली असल्याने मोठे नुकसान झाले आहे. कागद कापल्याने शेततळ्यातील पाणीसाठा सुमारे ६ ते ७ फुटांनी कमी झाल आहे.
भावडी येथे नलिनी नवले यांनी त्यांच्या शेतामध्ये शेततळे बांधले आहे. यंदाच्या वर्षी पावसाचे प्रमाण कमी असल्यामुळे शेततळे पूर्ण भरलेले नाही. त्यातच गुरुवारी रात्री अज्ञात व्यक्तीने शेततळ्यातील कागद कापला. त्यामुळे कागदाला मोठे छिद्र पडले असल्याने पाणीसाठा ६ ते ७ फुटांनी घटला आहे. त्यामुळे नवले यांचे मोठे नुकसान झाले आहे. कुणीतरी जाणून बुजून आकसापोटी, हे कृत्य केले असावे, अशी शंका सरपंच महेश नवले यांनी यावेळी बोलून दाखविली. याबाबत सदर प्रकरणाची मंचर पोलिस ठाण्यात तक्रार दाखल केली असल्याची माहिती नलिनी नवले यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
