पारगाव - जम्मु काश्मीर मध्ये आंबेगाव तालुक्यातील तरुणांनी जय महाराष्ट्र साहेब घोषणा देताच कारगिलच्या दौऱ्यावर असलेल्या राज्याचे उपमुख्यमंत्री एकनाथ शिंदे यांनी गाड्यांचा ताफा थांबऊन खाली उतरून आस्थेवाईकपणे चौकशी केल्याने आंबेगावचे तरुण भाराऊन गेले..आंबेगाव तालुक्यातील अवसरी बुद्रुक येथील शिवसेनेचे उपजिल्हा प्रमुख अजित चव्हाण, धामणी येथील अमोल गाढवे, विशाल गाढवे, अमित गाढवे, वळती येथील सचिन भोर व बारामती येथील किरण जगताप बारामती, तुषार इंगोले हे सर्व तरुण जम्मू काश्मिरी सहलीला गेले आहेत..हे सर्व तरुण कारगिल परिसरात असताना दोन दिवसापूर्वी महाराष्ट्र राज्याचे उपमुख्यमंत्री एकनाथ शिंदे मॅरेथॉन स्पर्धेच्या उदघाट्नासाठी कारगिलला आले असुन त्यांच्या गाड्याचा ताफा याच परिसरातून जाणार असल्याने हे सर्व तरुण रस्त्याच्या कडेला उभे राहिले खरंतर इतका मोठा बंदोबस्त असताना एकनाथ शिंदे आपल्याला भेटतील का, हा प्रश्न या सर्व मित्रांच्या मनामध्ये होता..मिलिटरी व स्थानिक पोलिसांचा खूप मोठा बंदोबस्त होता. एकनाथ शिंदे आपल्याला पाहुन थांबतील का नाही? ही शंका सर्वांच्याच मनात होती. हे सर्व त्यांच्या प्रतीक्षेत रस्त्याच्या कडेला उभे होते. श्री. शिंदे यांचा ताफा आला. या सर्वांनी साहेब जय महाराष्ट्र असा आवाज देताच एकनाथ शिंदे यांनी या सर्व तरुणांना पाहताच आम्हाला पाहिले व तत्काळ सर्व ताफा थांबवला..स्वतः गाडीतून खाली उतरून आम्हाला भेटले. आपुलकीने आमची सर्वांची चौकशी केली. प्रवास कधी सुरू केला कसा झाला, काश्मीरच वातावरण कस आहे, तसेच आम्हा सर्वांना तब्येतीची काळजी घेण्याच्या सूचना केल्या. आम्ही सर्व आंबेगाव तालुक्यातील असल्याचे सांगितल्यानंतर त्यांना देखील खूप आनंद झाला असल्याचे अजित चव्हाण यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
