पुणे जिल्ह्यातील इंदापूर तालुक्यात आज झालेल्या मुसळधार पावसामुळे संपूर्ण तालुक्यात अक्षरशः जलप्रलयाची स्थिती निर्माण झाली आहे. भिगवण, स्वामी चिंचोली, आणि म्हसोबाचीवाडी या भागांत पावसाचा जोर अधिक जाणवला आहे. यामुळे रस्ते, घरे, मंदिरे पाण्याखाली गेल्याने नागरिकांचे जनजीवन विस्कळीत झाले आहे. इंदापूर तालुक्यातील भिगवणमध्ये पुणे-सोलापूर राष्ट्रीय महामार्गालगतचा सर्व्हिस रोड तब्बल ३ किलोमीटर अंतरापर्यंत पाण्याखाली गेला आहे.
